500 pamilya gitabangan ni Kim

CEBU, Philippines — Nangunay gyud si Kim Chiu sa pag-repack sa mga bugas  ug iyaha kining gidonar ngadto sa 500 ka pamilya sa upat ka mga barangay sa Marikina.

"Gusto ko magbigay ‘di lang sa fundraising, sa donation, gusto ko ‘yung mapagod din ako, galaw-galaw, bukod sa exercise. Ang sarap mag-repack ng mga bagay-bagay tapos mahahatid mo sa mga pamilya dito sa kung saan ako nakatira, dito sa paligid ko, mabigyan ko sila, kasi walang work. Sa maliit lang na bagay, malayo naman ang mararating,” saysay pa ni Kim sa programang Magandang Buhay.

Suma pa sa aktres nga nindot kaayo sa pamati nga makatabang sa isigkatawo.

“Sana maraming ma-inspire doon sa kahit maliit lang na bagay, kahit ilang barangay lang, apat na barangay, 500 families, okay na 'yon. So napakasarap sa pakiramdam,” dugang pa sa Sugboanon nga aktres.

Iza, positibo sa COVID-19

Positibo sa  Covid-19 ang  Kapamilya actress nga  si Iza Calzado.

Gikumpirmar kini sa  iyang manager nga si Noel Ferrer.

 Niarang-arang na ang sitwasyon  sa aktres  ug makaginhawa na kini nga dili na mag-agad sa gitaod nga  oxygen.

"She is recovering well as she was aggressively treated for pneumonia and the virus. She can actually breath now without any oxygen assistance," suma pa sa FB post ni Ferrer .

Wala’y mahuna-hunaan si  Iza kun diin siya posibleng nataptan sa maong virus.

Dugang pa ni  Ferrer nga ang bana niini nga si Ben Wintle ug ang mga nakauban ni Iza niining mga nilabay nga mga adlaw kay walay sintomas sa virus.

Una na nga gi-upload ni Iza ang iyang hulagway nga nag-oxygen ug gipahibalo niini nga duna siya’y pneumonia.

Part 2

Subling nagkahiusa ang mga Kapuso stars sa Part 2 sa ilang no-contact online show nga nag-ulohan og 'Buong Puso Para Sa Pilipino' para makabaton  og hinabang alang ngadto sa hilabihang naapektuhan sa COVID-19 crisis. Pipila sa nipasundayag mao silang  Julie Anne San Jose, Betong Sumaya, Rayver Cruz, Miguel Tanfelix, Christian Bautista, Kyline Alcantara, Gabbi Garcia, Glaiza de Castro, Lexi Gonzales, Aiai delas Alas ug uban pa.

Pagklaro ni Sam

Gitataw sa Kapamilya actor Sam Milby nga wala siya'y sintomas sa COVID-19 ,kini human daghang nabalaka nga tingalig nataptan siya sa maong virus human nagpositibo niini  ang  co-star niya sa teleseryeng Ang Sa Iyo Ay Akin nga si Iza Calzado.“...I’m healthy with no symptoms, nasa bahay lang doing self-quarantine," post pa niini sa  Instagram.

Nauyonan sa viewers

Ni-demand og sequel ang viewers sa iWant original series nga  ‘The Tapes’ nilang Sam Milby ug Yassi Pressman .Nakauyon sila sa dagan sa istorya  sa maong online series. Suma pa nga dunay  potensyal ang maong series nga makadani og international audience. Ang iWant kay usa ka online entertainment platform sa ABS-CBN.

Sa balay nag-perform

Nag-perform live gikan sa tagsa-tagsa nila ka mga panimalay ang ‘ASAP Natin ‘To’ stars , kini aron padayon nga makahatag og kalingawan ngadto sa ilang suking viewers. Gipasiugdahan kini nilang Gary Valenciano, Martin Nievera, Zsa Zsa Padilla, Erik Santos, Ogie Alcasid, Sarah Geronimo, Piolo Pascual, Billy Crawford, ug Regine Velasquez.

Throwback sa EB

Gipasalida og balik sa Eat Bulaga niadtong Sabado ang ilang 10th anniversary. Nahitabo kini didto sa Araneta niadtong 1989 diin sa ABS-CBN pa kini gi-ere. Kahinumduman nga wala na nagpagawas og bag-o ug live episodes ang Eat Bulaga  sukad gipaubos sa enhanced community quarantine ang Metro Manila.

Nanawagan og suporta

Padayon ang panawagan sa aktor nga si Richard Quan ngadto sa publiko nga adunay katakos sa pagtabang ngadto sa naglisod nga mga Pinoy tungod sa COVID-19 crisis. Usa si Richard sa aktibong miyembro sa grupo nga gitukod ni Ice Seguerra nga Volunteer Corps PH. “Need help, pls ask for help sa mga kababayan natin, or share our call for help... Chaotic sa battleground, daming gutom,"sigon pa niini.

Mosulod na sa militar

Gianunsyo sa member sa grupong Winner nga si Jinu nga mopahigayon na siya og mandatory military service karong Abril 2. Gipahibalo niya kini ngadto sa iyang fans pinaagi sa gihimong handwritten letter."Though I'll be apart from Inner Circle for a bit, I will be healthy, brave, and do well, so Inner Circle should also do your best in whatever you're doing and put your health first! I hope you will be well,"tipik pa sa sulat niini.

Mavy nag-fundraising

Nakatigom na og P30,000 ang Kapuso cutie Mavy Legaspi alang ngadto sa frontliners nga nakigbugno batok COVID-19. Pinaagi sa iyang TikTok account, giawhag niya ang iyang celebrity friends nga mosayaw og "Something New" ni Wiz Khalifa. Pipila sa iyang gipasalamatan nga celebrities nga nisanong sa iyang imbitasyon mao silang Ruru Madrid, Andre Paras, Ricci Rivero, Gabbi Garcia, Miguel Tanfelix, Kate Valdez, ug Darren Espanto.

Tipid wipes

Gipaambit sa aktres nga si Bianca Umali kun unsaon niya pagtipid ang iyang makeup wipes aron dili siya makagamit og daghan. "I limit myself to using two, maximum. I usually fold them para tipid and less waste. I use the second wipe for mga natira na konti. Ayaw kong nagsasayang ng maraming wipes," sigon pa niini.