Pamaagi ni Ivana sa pagtabang
CEBU, Philippines — Idonar sa mga naapektohan sa health crisis ang kita ni Ivana Alawi sa YouTube vlog nga nag-ulohan og "Car Wash Girl" .
"Sana napangiti ka namin kahit konti habang nanonood kayo. Masyado nakakalungkot ang mga nangyayari sa mundo ngayon pero naniniwala ako na malalampasan natin ito. Ido-donate ko lahat ng kikitain ng video na ito sa mga nangangailangan. Spread love & prayers," suma pa ni Ivana .
Bisan naa ra siya karon sa panimalay, gipaneguro sa Kapamilya star nga duna siya ‘y matabang sa iyang isigkatawo.
"Nakakulong ako dito sa bahay ng isang buwan. Naghahanap ako ng mga gagawin and nalinis ko na 'yung buong bahay so ngayon sinabi ko parang ngayon, gusto ko naman maghugas ng kotse so ako ang magiging carwash girl niyo today," matud pa niya.
Nakalangkat na og minilyon nga views angh maong vlog sukad kini gi-upload niadtong March 22.
KathNiel gihangop gihapon
Wala pa gyud mahupas ang karisma nila ni Kathryn Bernardo ug Daniel Padilla ug napamatod-an kini sa dihang gi-ere og balik sugod niadtong Lunes ang teleserye nila nga “Got To Believe”.
Mao kini ang no. 1 trending topic sa Twitter Philippines niadtong Lunes pinaagi sa hashtag nga #G2BTheMagicalComeback.
Kahinumdoman nga sikat kaayo ang maong teleserye sa ABS-CBN niadtong 2013 .
Kasamtangang gipamalik og ere sa ABS-CBN ang pipila nila ka mga karaang teleserye human nahunom ang mga taping sa mga bag-ong Kapamilya series tungod sa hulga sa COVID-19.
- Latest
