Fil-Am singer nanghugyaw napud sa American Idol

CEBU, Philippines — Nakapuntos  na pud og maayo sa mga hurado sa American Idol Season 18  ang  Fil-Am singer  nga si Francisco Martin  alang sa   Hollywood Week sa maong show.

Sa  bag-ohay lang nga  episode sa American Idol,   nikanta si og  "Hold Back the River” ug siya mismo ang nag-play sa guitar.

Sa maong hugna sa kompetisyon,  gipapili  ang mga contestants  kun unsa nga category  ang ilang  idalit  ug ang "Singer-Songwriter" category maoy gipili ni Francisco.

Nahimout pag-ayo sa iyang performance  ang mga hurado nga sila si Lionel Richie, Katy Perry, ug  Luke Bryan. 

Sandi Patty, positibo sa COVID-19

Gibutyag sa Grammy-winning Christian singer  nga si Sandi Patty nga nagpositibo siya  sa COVID-19  busa nipaubos siya karon sa self-quarantine sa iyang panimalay didto sa Oklahoma City.

"Friends, today I received confirmation that I tested positive for COVID-19. I am at home and Don and I are under quarantine for the next 14 days," suma pa niya.

Naglain na ang iyang lawas sulod sa pipila ka semana   ug expose usab siya sa daghang tawo.

"I hadn't felt well for a couple of weeks. So, I had been traveling, and when I got off the road on the March 7-8, I came back to Oklahoma City and have been home since then. Usually, I am at Crossings Community Church during the week and work with a lot of people. I am thankful that I wasn't around anybody at Crossings," dugang pa niya.

Gidasig niya ang katawhan nga motuman gyud sa mga opisyal sa gobiyerno ug motuman gyud sa social distancing aron malikayan ang pagkatap sa  COVID-19.

"I’m so impressed with how our Health Department handled my case and grateful for their attentiveness. They are working so hard right now to keep us all safe. WE MUST DO OUR PART," matud pa niya.

Julia Montes gipasaligan ni Claudine

Gipaagi ni Claudine Barretto sa Instagram ang pagpadangat sa iyang sweet birthday message  ngadto sa iyang higala nga si  Julia Montes.

Gipasalig ni Claudine  ngadto sa aktres  nga naa ra gyud siya kanunay kun magkinahanglan kini kaniya.

“Please stay as humble and sweet as you are. Know that I love you and truly believe in your talent and in you as a person," suma pa sa iyang IG post.

Kahinumdoman nga nahimong kontrobersyal kaniadto sa dihang nilenggua si  Claudine nga mas moarte si  Montes   kumpara sa iyang pag-umangkon nga si Julia Barretto.

Pinoy artists mag-online concert

Mopasiugda  si Ryan Cayabyab og   online concert   nga gitawag niya og Bayanihan, Musikahan series.

Ang maong proyekto  mag-feature sa nagkadaiyang artists  ug pipila na sa nipadangat og suporta niini mao sila si Lea Salonga, Zsa Zsa Padilla, Jaya, Martin Nievera, Jed Madela, Ebe Dancel, Chito Miranda, Raymund Marasigan, ug uban pa.

Gisugdan dayon ni Cayabyab ang maong concert series sa miaging gabii  kun diin  gidalit niya ang awit nga "Tuwing Umuulan," "Araw Gabi," ug uban pa  kun diin nilungtad kini og dul-an sa usa ka oras.