Cannes Film Festival giuswag
CEBU, Philippines — Gikatahong iuswag ang Cannes Film Festival ug target sa mga tagdumala nini nga himoon nalang kini sa Mayo hangtud sa unang bahin sa Hulyo.
Nasayran nga dunay hulga sa COVID-19 ang nagkadaiyang dapit sa kalibutan ug gitambag sa kadaghanan nga likayan ang mga kalihokan kun diin tapokan og daghang tawo. Nanghinaot ang presidente sa maong festoval nga si Pierre Lescure nga manambong gihapon ang mga nisalmot niini.
Bag-ong fundraising drive ni Maine gilusad
Mipasiugda si Maine Mendoza, 25 og usa ka fundraising drive alang sa mga empleyado nga apektado sa community quarantine.
“Hi everyone! Given the difficult situation we are all facing, I thought of starting the ‘DoNation’ drive today.This is to help the employees who are not allowed to work because of the community lockdown,” tweet pa ni Maine.
Mabasa sa iyang page nga thedonationdrive.wordpress.com, ang mga pamaagi alang sa gustong mosuporta sa iyang kampanya.
Suma pa ni Maine nga dunay ubang mga tawo nga nahunom gyud ang ilang trabaho tungod sa COVID-19 outbreak.
“I know how hard it is for these people nowadays to sustain their living so I decided to share as much as I can to them,” niya pa.
Kahinumdoman nga makadaghan na nga higayon nga nipasiugda si Maine og mga fundraising campaign.
- Latest
