Alden nanghatag og mga pagkaon sa frontliners
CEBU, Philippines — Nanghatg og mga pagkaon si Alden Richards sa frontliners sa Biñan City, Laguna alang sa nagpadayon nga kampanya sa coronavirus disease 2019 (COVID-19).
Todo pasalamat si Biñan City Mayor Len Alonte sa gibuhat ni Alden.
"Thank you so much, bro @aldenrichards02 & family for your donation for all the frontliners sent through our family. God bless you and your family more," suma pa sa IG story ni Mayor Alonte.
"Laban sa COVID"
Nihimo og Go Get Funding account ang newlyweds nga silang Sarah Lahbati ug Richard Gutierrez aron makatigom og hinabang alang sa -19 frontliners ug sa mga public utility vehicle drivers. Gitawag nila kini og "Laban sa COVID" nga gisuportaan sab sa ilang pamilya nga si Esther ug Abdel Lahbati, Annabelle Rama, Eddie Gutierrez, Ruffa, Raymond ug Elvis Gutierrez.
Dili madayon
Gipugngan una ang pagpasalida sa upcoming Marvel movie nga Black Widow tungod sa kalibutanong hulga sa COVID-19. Gipahibalo sa Walt Disney Co nga giuswag nila ang May 1 theatrical release sa nahisgotang pelikula. Gianusyo sab niini nga dili una nila ipagawas sa senihan ang mga pelikulang The Personal Histories of David Copperfield ug The Woman in the Window nga gikagakdang ipasalida unta karong Mayo 8 ug Mayo 15. Wala pa’y bag-ong petsa sa pagpasalida sa maong mga pelikula.
Namatay sa cancer
Nipanaw na ang inahan nilang Bernard ug Mico Palanca nga si Pita Revilla gumikan sa cancer. Gipahibalo kini sa ig-agaw sa namatay nga si Ditas Santos pinaagi sa usa ka Facebook post. Nagpusot-pusot ang pahasubo nga mensahe ngadto sa nahabiling pamilya. Kahinumdoman nga nipanaw usab ang iyang anak nga Miko niadtong Disyembre 2019.
Magazine cover
Molugwa sa usa ka magazine cover karong Abril ang 'Crash Landing on You' star nga si Kim Jung-hyun. Gipaambit niini sa interview sa maong magazine kung unsa ang iyang reaksyon sa gisangpotan sa iyang karakter pagkahuman sa maong Korean series. “It was regretful in some ways, but because of the ending, it’s remained in my heart, so I’m thankful for that," paambit pa niini.
Mialma sa pamaagi
Nasagmuyo ang aktres nga si Vivian Velez tungod sa pamaagi sa Las Piñas City sa pagpanghatag niini og hinabang ngadto sa ilang konstituwente. Giingong nagponsisok sa City Hall ang mga tawo ug wala na kini nag-obserbar og social distancing."Kinumpromiso ang social distancing para sa isang kilo ng bigas... ang sakit sa pusong pagmasdan ang ganitong sitwasyon!"sigon pa sa aktres.
Pagsaulog sa birthday
Nagsaulog sa iyang 72th birthday ang award-winning scriptwriter nga si Ricky Lee niadtong Huwebes. Gisaulog kini sa iyang estudyante pinaagi sa paghimo og relief operation sa pipila ka mga lugar sa Quezon City ug San Juan City. Pipila sa iyang mga tinun-an mao sila si Bela Padilla, Agot Isidro, Tey Clamor, Bianca Balbiena, ug uban pa.
Nag-self quarantine
Bolontaryo nga nipahigayon og katorse ka adlaw nga ‘self-isolation’ ang singer nga si Darren Espanto pag-abot niini didto sa Canada isip paglikay sa COVID-19. Nipauli ang singer didto sa Canada aron makauban ang pamilya."I haven’t been going near my family as much as I’d want to but it’s for the health and safety of everyone. See you guys again soon!"post pa niini sa Instagram.
Excited na!
Naghinam-hinam na matud pa si Carlo Gonzalez nga makakita sa ilang anak ni Luane Dy apan naguol sila tungod sa hulga sa ilang panglawas sa COVID-19. Pila ka buwan nakang kay manganak na si Luane. “Excited, more than anything, sobrang excited. That’s (COVID-19) one of our worries. We have options naman, pero siyempre, we cannot be complacent when that time comes,"paambit pa ni Carlo.
Modawat og sexy roles
Giasoy sa singer-songwriter nga si Kara Madrid nga andam na siya nga modawat og sexy roles sa mga pelikula ilabi na karon nga nakapokus na siya sa iyang acting career. Ang maong Viva artist nailhan kaniadto nga Kara Mitzki. “Why not? Kung yon po ang mag-o-open ng door sa akin bilang artista, gagawin ko,” asoy pa niini.
- Latest