Kris, mapasalamaton kang Julia

CEBU, Philippines — Mapasalamaton matod pa ang Kapuso star  nga si Kris Bernal ngadto sa Kapamilya actress nga si  Julia Montes gumikan kay sa tanang gipadalhan niya sa bag-o niyang makeup creation nga SHE Cosmetics 4-in-1 compact, si Julia lang matod pa ang nag-post niini sa Instagram Story. "Fan ako ni Julia, love ko siya," sigon pa ni Kris.

Tambag ni Heart

Nihatag og  tambag  pinaagi sa iyang Instagram account ang aktres ug modelo nga si Heart Evangelista kun unsay angayan buhaton kung mag self-quarantine. Gitambag niini nga magpabiling kalma, dili malisang ug magbinantayon karong panahona. Gihangyo sab niya ang publiko nga dili magpanic-buying.

Indecent proposal

Gipaambit sa ‘Make It With You’ star Anthony Jennings nga nakadawat siya og indecent proposal gikan sa bayot.“Na-try ko na. Nakarinig na ako ng ganyan pero mahirap i-take yung risk, eh, mahirap, eh. Parang hindi, parang negative na lang ako. Sabi ko, ‘No!’ nag-no ako,"sigon pa sa guwapong aktor.

Gitubag ang  netizens

Gitubag sa Kapamilya actress nga si Bianca Gonzalez ang duha ka netizens kinsa nikontra sa iyang post kalabot sa community quarantine sa Metro Manila tungod sa COViD-19. " I have been very sensitive about the plight of daily wagers na no work no pay so kindly stop using the ‘privileged’ card to call me out. Hindi tayo ang magkalaban dito, kakampi tayo," sigon pa ni Bianca..

Nag-uban sa MV

Nag-uban silang Hwasa sa K-Pop group nga MAMAMOO ug English singer-songwriter Dua Lipa sa usa ka music video sa bag-ong single sa ulahi nga nag-ulohan og “Physical.” Ang ”Physical” kay usa sa mga kanta sa upcoming album ni Dua Lipa nga Nostalgia nga i-release karong Abril.

Talagsaon lang

Nag-uban sa talagsaong higayon sa usa ka hulagway sila si   Paulina Sotto, Angela Luz ug Pauleen Luna atol sa gender reveal party ni Paulina sa anak nila ni Jed Llanes. Si Paulina kay anak ni Angela, former partner Vic, kinsa bana na karon ni Pauleen.

Manny-Jack tandem

Nagkahiusa ang foundations ni Senator Manny Pacquiao ug sa Chinese billionaire nga si Jack Ma aron manghatag og 50,000 testing kits sa COVID-19.Gikumpirmar kini mismo sa 41-anyos nga senador pinaagi sa usa niya ka Instagram post sa miaging adlaw.

Todo suporta

Gipadayag sa komedyanteng si Ai-Ai delas Alas ang tibuok niyang suporta sa gipahamtang nga enhanced community quarantine sa gobyerno alang  sa tibuok Luzon. Suma pa sa komedyanteng aktres nga importante kaayo karong panahona  ang panaghiusa ug likayan ang pagsige og saway.