Anak ni Pacman, atimanon sa Star Magic
CEBU, Philippines — Ang Star Magic maoy naghupot sa showbiz career sa anak ni Manny Pacquiao nga si Jimuel ug malipayon siya gumikan matuman na gyud ang iyang pangandoy nga makasuway og arte atubangan sa kamera.
Dili gyud niya palabyon ang mga maayong oppurtunidad nga ihatag kaniya sa Star Magic ug ganahan gyud niya sudlan og mga bag-ong butang. Gawas sa pag-arte, ipaubos usab si Jimuel sa dance workshop.
Pangandoy niya nga makatrabaho puhon mao sila si Kathryn Bernard ug Liza Soberano.
Social distancing
Lakip sila si Ai-Ai delas Alas ug Bela Padilla sa mga artistang modistansya una sa ilang fans gumikan sa hulga sa coronavirus. Samtang nangayo usab og pasaylo si Vice Ganda sa iyang fans nga iyang gibalibaran nga maki-selfie kaniya. Kahinumdoman nga trending kaayo karong panahona ang termino nga “social distancing” isip usa sa mga pamaagi nga malayo sa virus.
Kalma lang
Tambag pa ni Melai Cantiveros sa publiko nga dili unta angayan mag-panic luyo sa hulga sa COVID-19. Labing maayo nga mokalma aron makahuna-huna og tarong sa mga buhaton aron malikay sa maong virus. "Maganda talaga na mayroon tayong kaalaman sa mga ganitong pangyayari, na talagang hindi tayo magpa-panic. Kasi makakapag-isip tayo ng tamang aksiyon at tamang (solusyon) sa problema kung hindi tayo magpa-panic," suma pa ni Melai.
Co-producer sa movie
Gawas sa iyang pagka-bida sa pelikulang “Ngayon Kaya”, gikatahong co-producer pud diay si Paulo Avelino niini. Kapares ni Paulo sa maong pelikula mao ang Kapuso actress nga si Janine Guttierez. Usa kini ka entry sa Metro Manila Summer Film Festival 2020. Kauban ni Paulo sa pag-produce niini mao ang T-Rex Entertainment.
Negative ang resulta
Gibutyag ni Dra. Vicki Belo nga tested negative siya sa coronavirus. Kahinumdoman nga nitikang si Belo sa bag-ohay lang nga Milan Fashion Week. Kauban niya sa maong kalihokan si Miss Universe 2018 Catriona Gray.“Hi everybody! I would like to thank all of you for your concern. I know you’ve been texting and sending me messages if I’m OK. It’s been two and a half weeks since I arrived from Milan Fashion Week and I have zero symptoms of anything,” suma pa sa IG story ni Dra. Belo .
Pakilig sa fans
Padayon ang pagpakilig nila ni Vice Ganda ug Ion Perez ngadto sa ilang fans pinaagi sa ilang TikTok videos. Aktibo kaayo ang mag-uyab sa maong mobile application.
Andam mosulod og relasyon
Gipadayag ni Angeline Quinto nga andam ra siya mosulod og usa ka relasyon. Hinoun wala pa maabot ang lalaki nga gitagana alang sa iyang kinabuhi busa ang pag-atiman sa iyang singing career maoy iyang prayoridad karon.
Espesyal nga tawo
Gawas sa iyang pamilya, gikatahong dunay kauban nga espesyal nga tawo si Julia Barretto sa dihang nagsaulog sa iyang 23rd birthday dili pa lang dugay. "For my birthday this year I decided to do things differently. A dinner for 10, my family and a loved one,” suma pa sa iyang IG post.
Magbugno sa kama
Adunay love scene sila si Iza Calado ug Sam Milby sa umaabot nga Kapamilya afternoon series nga 'Ang Sa Iyo Ay Akin. Sa interview kay Iza matapos ang pictorial, ikinuwento ng aktres ang tungkol sa naturang eksena. "Never ko pang ginawa sa TV yung love scene na ginawa namin .Noong nagshu-shoot kami no'n, alam niyo na, naka nude [kami na underwear] tapos ako may takip lang [sa chest]. Tapos nasa loob kami ng banyo hinihintay lang namin yung set up, sabi ko sa kaniya, 'What a job!' Alam mo pagtanda natin, pag-uusapan natin 'to tapos pagtatawanan natin siya. Parang, who gets to do this as a job?,” saysay pa ni Iza nga namantala sa PUSH.
Gimingaw sa madlang pipol
Gimingaw na si Vhong Navarro sa mga madlang pipol sa It's Showtime. Kahinumdoman nga gipahunom na ang pagpanawat og live studio audience sa maong show gumikan sa hulga sa coronavirus.
Kasabot ra
Dili isyu sa mag-uyab nga sila si Vin Abrenica ug Sophie Albert kun aduna sila’y ka-kissing scene nga lain. Puros sila artista busa seguradong makasabot ra sila sa dagan sa ilang trabaho. Si Vin naa sa ABS-CBN, samtang naa usab sa GMA-7 si Sophie.
Fan ni Hyun Bin
Nagparamdam og balik sa social media ang Megastar nga si Sharon Cuneta. Gipadayag niya nga fan kaayo siya sa South Korean actor nga si Hyun Bin kinsa bida sa K-drama series nga Crash Landing on You.
Pia ug Jeremy, nagkasinabtanay na?
Nabatyagan na sa kadaghanan ang pagsige og komento og like sa tagsa-tagsa nila nga mga Instagram post sila si Pia Wurtzbach ug Jeremy Jauncey.
Nisamot og kisaw ang espekulasyon nga nagkasinabtanay na ang duha. Pabiling nagpakahilom ang duha sa ilang istado apan dunay mga senyales kun baseha ang mga post sa social media.
Una na nga nigawas ang report nga nag-uban ang duha sa pagbakasyon sa laing nasud.
Hollywood star ug iyang asawa, nag-positibo sa COVID-19
Nagpositibo sa coronavirus ang Hollywood star nga si Tom Hanks ug ang iyang asawa Rita Wilson ug gikumpirmar kini pinaagi sa Iinstagram post sa aktor.
Nabatyagan na sa magtiayon ang symptoms niini sa diang nitikang sila sa Australia.
Nasayran nga aduna na’y mga natala nga kaso sa COVID-19 sa maong dapit.
Giingong nitikang ang aktor sa Australia alang sa pre-production work sa pelikula nga magtuki sa kinabuhi sa singer nga si Elvis Presley.
"Rita and I are down here in Australia. We felt a bit tired, like we had colds, and some body aches. Rita had some chills that came and went. Slight fevers too. To play things right, as is needed in the world right now, we were tested for the Coronavirus, and were found to be positive," suma pa sa iyang post.
Suma pa ni Tom nga ipaubos na siya ug ang iyang asawa sa medical protocols.
Pinay pasok sa international series
Nalakip ang Filipina actress nga si Samantha Richelle sa usa ka international series nga “Almost Paradise” kun diin makauban niya ang American actor nga si Christian Kane.
Gikatahong mosikad na kini karong March 30 sa US cable channel nga WGN America. Modala si Samantha sa karakter isip Kai Mendoza, usa ka police officer nga dunay misyon sa pagpakgang sa mga sindikato nga nagpaluyo sa ginadiling drugas.
“She can pretty much do it all. She is a tough cookie. She wants to constantly prove herself. In the end you’ll get to see how we’ll work together,” paghulagway pa ni Samantha sa iyang karakter.
Gawas sa iyang pagka-aktres, giingong sikat pud si Samantha isip fashion designer .
Nalakip pud sa maong proyekto ang ubang mga artista dinhi sa Pilipinas nga sila si Arthur Acuña, Ces Quesada, Angeli Bayani, ug Nonie Buencamino.
Tungod sa hulga sa COVID-19 Richard-Sarah wedding giuswag
Nakahukom sila si Richard Gutierrez ug Sarah Lahbati nga iuswag sa laing petsa ang ilang kasal nga mahitabo unta ugma gumikan sa nagpadayon nga hulga sa coronavirus.
"As much as we want to celebrate our love with our family and friends, in light of the recent situation we have decided to postpone our wedding as we do not want to put anyone at risk," suma pa sa statement sa duha nga gi-post sa Instagram.
Nasayran nga duna sila’y mga bisita nga gikan sa laing nasud ang nitikang gyud dinhi sa Pilipinas sa maong espesyal nga okasyon.
Wala pa sila’y nahukman nga bag-ong petsa sa ilang kasal.
"Thank you so much to those who flew in and to everyone who worked so hard for our special day. We only wish good health for everyone and we hope to celebrate with you as soon as things get better. Much love, Richard & Sarah,” dugang post nila ni Sarah ug Richard.
“Attitude problem issue” gitubag ni Arci
Nihatag na og katin-awan si Arci Muñoz kalabot sa pagkawagtang sa iyang karakter sa afternoon Kapamilya series nga Pamilya Ko .
Una na nga nanggawas ang hungihong sa niaging adlaw nga tungod sa iyang attitude problem maoy rason nga gitangtang ang aktres sa maong teleserye.
Suma pa ni Arci nga siya mismo ang nihangyo nga mohawa sa show gumikan kay duna pa siya’y ubang proyekto nga buhatunon.
Suma pa niya nga malinawon ang ilang panag-istoryahanay .
Dugang pa aktres nga duna pa siya’y duha ka mga indie films ug na-conflict ang schedule niini sa teleseryeng Pamilya Ko.
Tungod sa maong sitwasyon, kinahanglan matud pa niya nga duna siya’y isakripisyo nga proyekto .
- Latest