Fans, abangers na sa First Yaya ni Marian
Marami na ang abangers sa pagbabalik-telebisyon ni Kapuso Primetime Queen Marian Rivera na nanonood na rin ng Crash Landing On You. Mahigit dalawang taon na rin kasi ang nakalipas magmula nang magbida ito sa GMA primetime series na Super Ma’am.
Naging busy na kasi si Marian sa pagpapalaki ng kanyang super adorable kids na sina Zia at Sixto pati na rin ang pagiging aktibo sa adbokasiya niya para sa mga kababaihan at kabataan gaya na lamang ng asawa nito na si Dingdong Dantes.
Excited tuloy ang lahat nang ibahagi ng co-star nito na si Sandy Andolong ang kanilang behind-the-scene photos sa set ng pagbibidahang GMA series First Yaya.
Sa inilabas na omnibus plug ng Kapuso Network nitong simula ng taon ay marami ang naintriga sa pasilip na kwento ng First Yaya. Bukod kasi sa ito ang first on-screen team up nina Marian at seasoned actor na si Gabby Concepcion, gaganap si Marian bilang yaya ng mga anak ni Gabby na vice president.
- Latest