Nagkalami nga relasyon

CEBU, Philippines — Nagsaulog sa iyang 25th birthday si Maine Mendoza dili pa lang dugay kauban ang boyfriend nga si Arjo Atayde didto sa El Nido, Palawan. Gipaambit niini sa social media ang mga hulagway nga kuha atol sa ilang pagbakasyon sa maong isla. Usa sa ilang hulagway ni Arjo may caption nga "grateful for many things."

Andam motambag

Gibutyag sa asawa ni Solenn Heussaff nga si Nico Bolzico nga andam siya mohatag og parenting advice ngadto sa bag-o lang nahimong amahan nga Erwan Heussaff. Kahinumdoman nga gihimugso ni Anne Curtis sa miaging semana ang unang anak nila ni Erwan nga si baby Dahlia Amelie. "Welcome Dahlia! It is official! If you need any parenting advice, you know where to find me @erwan! #ParentingMyPassion,"post pa ni Nico.

Wala nagmahay

Gipaambit sa Kapuso hunk actor Rocco Nacino nga wala siya nagmahay nga gidawat niya ang role niya Descendants of the Sun sa GMA-7 diin second lead role lang siya ni Dingdong Dantes. Sigon pa ni Rocco, aduna'y gitanyag unta kaniya nga proyekto diin siya ang bida apan wala niya gidawat ug mas gipili ang Descendants of the Sun. Naangkon matud pa niya iyang expectation sa maong serye.

Na-pressure

Miangkon si Sky Quizon nga na-pressure siya sa pagdala sa role ni Rovic sa ‘Tabing Ilog The Musical’ nga orihinal nga gidala ni John Lloyd Cruz niadtong 1999 sa ABS-CBN. Ganahan unta siya mangayo og advice ni John Lloyd kung giunsa niini pagdala iyang karakter kaniadto apan wala niya nakontak ang aktor. “But parang even the management — I don’t know if they were able to contact John Lloyd na ma-invite because medyo MIA [Missing In Action] siya ngayon. So I just did my own homework,"niya pa.

Nanguyab oga balik?

Nanggawas karong ang tsismis nga matud pa nibalik na sab og paramdam ang Filipino-American singer ug The VoiceTeens Philippines coach nga si Apl.de.ap ngadto sa aktres nga si KC Concepcion. Kini human nga adunay nikatap nga mga hulagway sa duha nga nag-uban sulod sa usa ka restaurant dinhi sa nasud. Kahinumduman nga niadtong tuig 2013 unang nabalita nga nanguyab si Apl.de.ap ngadto kang KC.

Pia nakahilak

Nahimong emosyonal si Pia Wurtzbach sa pagbisita niya og balik sa Indonesia ug nagsilbing judge sa 'Puteri Indonesia,' ang pageant nga mopili sa mahimong representative sa Indonesia sa Miss Universe. "I'm so happy I finally got to experience Puteri Indonesia. This was long overdue! I've always loved Indonesia. My very first trip as Miss Universe was to Jakarta & Bali and it was unforgettable. The only time I ever cried because I didn't want to leave! True story!" post pa ni Pia.

Paliki nga tubag

Gipaambit sa aktres nga si Alexa Ilacad nga adunay usa ka lalaki nga wala siya nakaila nga nangayo kaniya og hulagway sa iyang sampot. Imbis nga magpagawas sa iyang kalagot, gipaagi nalang niya og komedya ang pag-post niya og mensahe sa Twitter. “May lalakeng nag dm saakin, humihingi siya ng picture ng pwet ko eh siz?? Wala naman akong pwet?? gusto mo picture ng tailbone ko??”tweet pa ni Alexa.

Mapasalamaton sa mga anak

Nagpasalamat si Kris Aquino ngadto sa iyang duha ka mga anak sa pag-atiman niya karon human aduna siya'y gihambin nga sakit. Gipaambit sab niini nga nalamba siya sa niaging adlaw ug maayo nalang nakit-an siya ni Bimby ug gitabang dayon siya. "Life is far from perfect but this mom knows how blessed she is because of her 2 'giants'," post pa ni Kris.

Idol ni Thalia

Gibutyag sa Latin Pop Superstar Thalia nga usa siya ka dakong fan sa Korean-Pop group nga BLACKPINK ug ganahan siya makauban ang grupo sa usa ka show o proyekto. "I love BLACKPINK! That's my next collab—that should be my next f**king collab... You're hearing it first! Let's do it, I'll DM them. And then let's do promo there," post pa ni Thalia.