First love ni Janella
CEBU, Philippines — Bisan pa man og init ang tandem nila ni Janella Salvador ug Joshua Garcia, matud pa sa dalaga nga tutok gihapon siya sa pagpromote sa iyang bag-ong single nga “Blanko”. Matud ni Janella nga dili niya mahimong biyaan ang iyang pagkanta gumikan kay mao kini ang iyang first love.
Oh my
“Oh my” lang gyud ang nahimong reaction ni Pasig Mayor Vico Sotto sa Tiktok entry sa iyang inahan nga si Coney Reyes. Ang beteranang aktres nakalugar pa sab gyud og upload sa iyang entry samtang bakante pa sa taping GMA-7 series nga “Love of My Life”.
Mansion sa Gen San
Gipakita ni Jinkee Pacquiao pinaagi sa iyang vlog nga aduna silay basketball court sa sulod sa ilang gipanag-iya nga mansion sa General Santos City. Maingon nga dako gyud nga luna ang gitukuran sa ilang mansion gumikan kay adunay pa’y entertainment room ug swimming pool.
Gi-encourage ni Thor
Gisaysay ni Daryl Ong nga sa dihang wala pa moabot ang tukmang panahon aron nga sudlon niya ang kalibutan sa showbiz, nahimo una siya nga animator. Gani, si Thor Dulay kinsa nakauban niya sa “The Voice Philippines” mao ang midani kaniya nga balikan ang pagkanta. Matud pa ni Daryl nga si Thor mao ang mihatag kaniya og kusog aron nga padayunon ang buot gyud niya nga buhaton sa kinabuhi.
Gibuksan na ang kasingkasing pagbalik
Gitug-an ni Roxanne Barcelo nga aduna nas siya’y karelasyon nga usa ka non-showbiz boyfriend. Tulo ka tuig na nga single ang sexy actress mao nga karon matud pa andam na niya buksan ang iyang kasingkasing ngadto sa lain.
Wala giseryoso
Nagmahay ang kanhi Pinoy Big Brother housemate nga si Axel Torres nga wala niya giseryoso ang oportunidad nga naabot kaniya sa showbiz industry. “Hindi ako puwedeng madismaya sa ABS-CBN kasi hindi naman sila nagkulang sa akin. Siguro ako, nadismaya ako sa sarili ko kasi na-take for granted ko yung mga opportunities na binigay nila sa akin. Mas inuna ko yung mga… parang kumbaga hindi ko siya sineryoso. Kung sineryoso ko siya siguro, baka maraming magagandang nangyari”, suma pa ni Axel.
- Latest