Tulo ka sakop sa MCWD Board nanumpa na sa katungdanan
CEBU, Philippines — Tulo sa lima nga gitudlong miyembro sa Metropolitan Cebu Water District (MCWD) Board ni Cebu City Mayor Edgardo Labella ang nanumpa na sa katungdanan kagahapon, Pebrero 17, 2020.
Si kanhi konsehal sa Siyudad sa Sugbo Jose Daluz III, Atty. Francisco “Frank” Malilong Jr., ug Miguelito “Mike” Pato opisyal nga gideklara isip mga miyembro sa MCWD board human sila nanumpa kang Labella.
"I have made a very bold decision. It was not easy for me to fire the MCWD board but I had to do it because I felt that there was a need for a drastic change.
Otherwise, the status quo would continue," matud ni Labella bahin sa pagtangtang sa kanhi sakop sa board nga tinudlo sa nakalabay nga administrasyon.
Si Daluz napili isip chairman sa MCWD, kauban si Malilong ingon vice-chairman ug Pato ingon secretary.
Misaad si Daluz nga himuon ang tanan aron matarong ang serbisyo sa MCWD sa katawhan.
Duha pa ka miyembro ang wala pa manumpa nga mao sila si kanhi Cebu City mayor Alvin Garcia ug Atty. Manolette Dinsay.
Kaniadtong Enero 6, gitudlo ni Labella ang bag-ong mga miyembro sa MCWD Board human gipapha ang tanan nga mga myembro kaniadto tungod sa giingong kapakyasan sa pagsulbad sa krisis sa tubig sa Metro Cebu. IBM (BANATNEWS)
- Latest