Viva, mogasto og 1 billion

CEBU, Philippines — Mogasto ngadto sa usa ka bilyon ang Viva Films aron nga makaproduce og 34 ka mga pelikula karong tuiga.  Gisaysay ni Bos Vic Del Rosario ang iyang mga plano alang sa pag-ugmad sab sa Philippine Cinema.

“This year, we lined up more movies and there will be more chances to share with you the joy of our vision”, si Del Rosario miingon.

Gibutyag sab niya nga pipila sa mga artista nga mahimong busy karong tuiga mao sila si Bela Padilla, Sharon Cuneta, Regine Velasquez, Matteo Guidicelli, Lovi Poe, Tony Labrusca, Marco Gumabao, Alex Gonzaga, Xian Lim, Kylie Versoza, Ryza Cenon, Kim Molina ug Aga Muhlach.

Kanhi kapuso artist, nanglimos nalang

Sa kalsada nalang matulog ang kanhi contestant sa “Protégé Season 1” nga si Lovely Embuscado kauban ang iyang mga ginikanan. Si Lovely mao ang mipasikat sa iyang kaugalingon nga version sa “I Believe I Can Fly” ni R. Kelly. Nakalugwa na kini sa mga serye sa Kapuso network ug ulahi kini nga nakit-an sa “The Half Sisters”.

Matud pa sa inahan ni Lovely nga si Daisy nga manglimos nalang sila karon gumikan kay ang napaingnan sa kita ni Lovely sa showbiz gidritso na nila og bayad sa mga utang.

Dili sab maayo ang kondisyon karon sa kanhi Kapuso artist human sa depresyon nga nasinati. Kun mahinabi kini, mura na kini og bata nga limitado nalang ang mga pulong.

Motuo na og right timing

Nituo na gyud si Andrea Brillantes sa “right timing”. Matud pa niya nga gibubuan gyud siya og daghang grasya sukad nga nahimo siya nga kabahin sa “Kadenang Ginto”. “Nung dumating sa akin ang ‘Kadenang Ginto’ dito ako nagkaroon ng parang endorsements, blessings na ilang years ko na pong ipinagdasal na sana ay magkaroon ako. Kasi nung una akala ko hindi ako naririnig ni Lord kasi nine years na po akong artista. Feeling ko ‘di Niya ako naririnig sa mga ipinagdarasal ko. Tapos nagkaroon ng ‘Kadenang Ginto,’ tapos bumuhos ang lahat ng blessings. Kaya sabi ko, ‘Lord, grabe thank you talaga.’ Ngayon mas naniniwala ako sa right timing,” saysay pa ni Andrea.

Online na ang shows sa GMA

Sugod karong adlawa, mahimo na nga masunod og tan-aw sa bisan unsa nga oras ang mga GMA drama shows gumikan kay gilusad na sa maong network ang GMANetwork.com ug sa GMA Network app kun diin didto na makita ang mga paborito nga mga Kapuso serye. Giatol ang paglusad sa kasaulugan sa ika-70 anibersaryo ng GMA ug Kapuso Month.

The Gil Side

Gilusad na ni Enrique Gil ug sa iyang manghud nga si Diandra Gil ang ilang YouTube channel. Gipanganlan kini nila og “The Gil Side”. Ang unang vlog nga ilang gipagawas mao ang ilang bakasyon sa Hawaii.

Dili mansion

Gitataw ni Dani Barretto nga dili mansion ang kasamtangang gitukod nga balay nga mao ang umaabot nga iyang puy-an kauban ang iyang bana ug anak. Pagklaro ni Dani nga “multi-level house” kini og mao kini ang regalo sa iyang parents-in-law.

Warm up ang Block Z

Gibutyag ni Julia Barretto nga usa ka action film ang iyang umaabot nga pelikula human sa “Block Z”. Dako sab ang iyang pasalamat nga nahimo siya nga kabahin sa Block Z gumikan kay pangandam sab kini niya sa mga ma-aksyon nga eksena nga iyang pagabuhaton puhon sa sunod nga proyekto.

Pokus sa pelikula

Pokus una si Ryza Cenon sa pagbida og mga pelikula nga gitanyag sa Viva ngadto kaniya. Gani, duha ka pelikula ang  iyang pagabuhaton nga mao ang “Sa Muli” kun diin makauban niya si Xian Lim. Ang ikaduha mao ang usa ka sexy movie nga “The Other Wife”.

24/7

Health crisis ang atubangan ni Julia Montes sa iyang bag-ong serye sa Kapamilya network nga mag-ulohan og “24/7”. Makauban niya sa maong serye sila si Arjo Atayde, Pepe Hererra, JC Santos, Meryll Soriano, Melissa Ricks, Joross Gamboa ug uban pa nga Kapamilya stars. Gikatakda nga magsugod kini karong Pebrero.

Claudine out, Cristine in

Si Cristine Reyes ang nipuli ni Claudine Barretto sa pelikula nga “Untrue”. “Actually nung tinanggap ko ang pelikula, tinanggap ko po siya dahil maganda talaga”, suma pa ni Cristine.

Ipa-enjoy una ang career

Wala pa’y plano si Jake Cuenca nga pakaslan si Kylie Verzosa. Matud pa niya nga gusto niya nga tagamtamon una ang mahimong usa ka artista una kini mo-atubang sa altar sa kaminyoon. “I’m going to let her enjoy it. Kasi with me, I’ve been doing this for years so gusto ko mag-enjoy siya sa pagiging artista niya so I don’t want to lock her down”, suma pa ni Jake.

Featured actress

Usa ka proud mother gyud si Cherie Gil ngadto sa iyang anak nga babaye nga si Bianca Rogoff gumikan kay usa na kini ka featured actress sa pelikula nga “Sensitive and in Love”. Gani, sa maong pelikula anaa sab ang partisipasyon ni Cherie kun diin molugwa lang siya sa pipila ka mga eksena.