Barkada Tips: Ang labing importante, malingaw!

CEBU, Philippines — Nag-unang  lamas sa   pag-enjoy sa kinahuhi  mao ang presensya sa tinud-anay ninyo nga mga higala.

Dunay pipila ka mga tawo ang todo panghambog nga daghan sila og mga higala ilabi na kun basehan ang mga  komento sa ilang mga social media account.

Tungod usab sa social media,  giingong matultulan  na nimo ang mga tawo  nga naila-ila na nimo kaniadto.

Apan  nahisgotan sa usa ka artikulo nga namantala sa www.alignthoughts.com nga   wala nagpasabot nga kun daghan ka og higala, mas daghang kalipay ang imong maangkon.

Lahi-lahi ma gud ang klase sa higala  , apan wala nagpasabot nga mao kini ang tinud-anay nga concern kanimo.

Sa ginaingon pa sa uban, lumalabay lang ang ubang tawo nga moagi sa atong kinabuhi.

Huna-hunaa nga dili tanang higala ang masultian nimo sa mga kasakit nga naagian nimo sa imong kinabuhi.

Dili matud pa sukdanan ang gidaghanon sa inyong mga higala  aron makatagamtam og dakong kalipay.

Nahisgotan usab sa nahisgitang site   nga kun gamay ra ang inyong higala, mas  makahatag ka og dakong  oras kanila.

Kun  daghan ka og kaila,  bahinon usab og kadaghan ang imong oras , apan ang pangutana,  tinud-anay ba kanimo ang ubang tawo nga gigahinan nimo og oras?

Dili angayan kagul-an  kun gamay ra ta og higala, gumikan kay usa sa mga nindot nga mahatag niini mao ang pag-angkon og dakong oras alang sa imong kaugalingon.

Gusto ka  mo-relax usahay nga mag-inusara,  so gamay ra ang mosamok-samok kanimo.

Sa  mag-barkada  , masukod ang kalidad niini  pinaagi sa pag-experience sa kalipay  nga sama nga wala’y kahutdanan.    Kung gamay ra ang higala, layo usab sa lalis.  Kun gamay ra mo, mas mailhan ninyo og samot ang usag-usa;.

Usa sa mga kaayohan kun gamay ra ang inyong higala mao ang paglikay sa kompetisyon. Sa tinud-anay nga barkada, dili angayan i-compare ang usag-usa ug dili usab angayan himoong basehanan ang tagsa-tagsa nga istado sa kinabuhi.

Bahalag gamay ra ang mga higala, basta lingaw lang!