Jane isip Nesthy sa MMK
CEBU, Philippines – Nagpahulagway ang World amateur boxing champion nga si Nesthy Petecio ngadto sa aktres nga si Jane de Leon.
Nasayran nga si Jane modala sa karakter ni Nesthy alang sa usa episode sa Maalaala Mo Kaya ugma sa gabii.
Ang maong epsidoe sa MMK magtangag sa hashtag nga #MMKPangarapatKamao.
Napili na gyud nga Star of the Night!
Ang taga Danao City nga si Ranni Cane kinsa nikanta og “Treasure” maoy nahimong Star of the Night sa bag-ohay lang nga Jam Night sa Season 11 sa Sinulog Idol.
Mao kini ang labing unang higayon nga nakaangkon sa maong special award si Ranni sanglit masulod siya kanunay sa Bottom 3 sa nilabay nga elimination rounds.
‘Wala dayon ko nakatoo nga nahimo ko nga Star of the Night. Gibuhat lang gyud nako ang tanan aron matarong lang gyud ang akong performance,” matud pa ni Ranni sa dihang nahinabi sa Banat News Hugyaw. Mapasalamaton siya sa positibong mensahe nga gihatag ni Coach Jay Unchuan kalabot sa iyang performance .
Samtang natagak sa maong round ang taga Toledo City nga si Meverick Nineza. Gikanta ni Maverick ang awit sa One Direction nga Up All Night.
Bisan pa man sa iyang pagpanamilit sa maong show, gitataw ni Maverick nga dili gyud niya malimtan ang Sinulog Idol gumikan kay nakatabang gyud kini sa pag-ugmad sa iyang talento.
“Daghan ko og nakat-onan sa among mga workshop. Proud kay ko nga nakaapil ko sa Sinulog Idol, “ matud pa ni Maverick.
Masuta na usab dinhi sa Banat News Hugyaw ugmang adlawa ang mga mananaog sa Sinulog Idol Season 11. Kauban ni Ranni sa Magic 6 sa maong kompetisyon mao sila si Jedu Ilagan. Marichar Labado, Thea Monterde, Chrystle Gealogo, Ranni Cane, ug Jehramae Trangia.
Ang criteria sa paghukom kanila naglangkob sa musicality 40%, showmanship and style 30%, star appeal 20% ug audience impact 10% .
- Latest