Popsters ni Sarah may flash mob for a cause!
Pinasalamatan ni Sen. and Red Cross Chairman / CEO Richard Gordon ang popsters sa partnership ng grupo para sa gaganaping #TALAparasaTAAL Dance Flash Mob for a Cause sa Luneta Park on January 18, Saturday, 1:00 p.m.
“Thank you, @popsters25 for this initiative and for choosing the Philippine Red Cross as your partner in helping the communities affected by #TaalEruption2020. #TeamSarah #popsters #teamgoodness,” reply ni Sen. Gordon.
Hindi raw ito exclusive for popsters. Ayon kay Popster Abbie, open to everyone ang nasabing event dahil ang kikitain nga nito ay mapupunta lahat sa mga biktima ng pag-aalburoto ng Taal Volcano.
“Everyone can join. Not only Popsters. And remember, this isn’t just for fun or what. This is mainly for a cause! This is dedicated to our fellow Batangueños! #TALAparasaTAAL,” tweet ni popster Abbie.
Pinasusuot ng color pink ang lahat ng mga sasali. Registration fee si P100.00 na magiging donation na rin ng mga sasali sa nasabing Tala Dance Mob for a Cause.
Wala pang mention kung makakarating ang pop superstar na si Sarah G. pero habang sinusulat namin ito ay more than 500 na ang nag-sign na Popsters official at wishing na umabot sila ng 1,000.
Malamang sa Sabado magdadagsaan ang popsters sa Luneta na super sa pagka-loyal sa kanilang idol na si Sarah.
Imagine for 100 pesos nakatulong ka na, naka-exercise ka pa sa pagsayaw ng viral dance music ni Sarah G.
Anyway, umabot na sa 48 million ang number of view ng music video ng Tala ni Sarah na noon pang 2016 niya ginawa pero nag-viral dahil sa mga meme ng members ng LBTQ community.
Balitang gagawin na ring pelikula ang Tala na sisimulan daw agad-agad ni Sarah bago pa man maganap ang kasal nila ni Matteo Guidicelli sa Italy ayon sa narinig kong kuwento.
- Latest
