Instagram Julia gi-unfollow sila si Joshua ug Janella
CEBU, Philippines — Human gianunsyon ni Julia Barretto sa miaging adlaw nga okay na ang tinagdan nila sa iyang ex-boyfriend nga si Joshua Garcia, gipakugang na usab niya ang publiko human nasuta sa netizens nga gi-unfollow niya ang aktor sa Instagram. Gawas kang Joshua , i-unfollow usab niya sa IG ang iyang soud nga higala nga si Janella Salvador.
Pabiling blanko ang netizens sa gibuhat ni Julia kinsa soud kaayo ni Janella.
Sa miaging adlaw, nag-post si Joshua og mensahe sa IGH ug matud pa niini nga suwerte kaayo siya gumikan sa presensya sa iyang higala nga si Janella. Nagpares sila si Joshua ug Janella sa teleseryeng The Killer Bride.
Piolo-Claudine movie , hanap pa
Nagbaha pa ang laing mga proyekto ni Piolo Pascual karong tuiga busa hanap pa ang posibilidad nga madayon ang reunion movie nila ni Claudine Barretto.
Suma pa sa aktor nga mo-focus una siya sa upcoming projects nga gisalig sa ABS-CBN kaniya.
Ma-busy usab ang aktor sa selebrasyon sa 10 th anniversary sa movie outfit niya nga Spring Films.
Sharon nalandig sa tambalanan
Dali nga gidala sa tambalanan ang singer-actress nga si Sharon Cuneta niadtong Dominggo sa gabii gumikan sa iritasyon sa mata.
“Majorly painful / painfully major eye irritation tonight. Had to be rushed to the Makati Med E.R. Buti walang scratch or foreign body. Nairritate lang dahil sa bahay when it was itchy and a bit sakit I scratched and washed it.,” suma pa sa iyang IG post.
Bisan paman sa iyang kondisyon, nakadalikyat pa si Shawie sa pagpakatawa.
“Ayan. Kulang na lang makasama ko si Johnny Depp. Sabay na kami mag Pirates sa Caribbean. Haaayyy napakaKYUUUUUUUUUUUT talaga ng buhay ko nitong mga araw na ito!” ,” komedya pa niya.
Pipila ka mga artista ang nanghinaot alang sa paspas niya nga recovery . Nipadangat kaniya og mensahe mao sila si Melai Cantiveros, Vina Morales, Martin Nievera, ug Cristine Babao.
Miyembro sa EXO magminyo na!
Gikatahong magminyo na karong tuiga ang EXO member nga si Chen ngadto sa iyang non-showbiz girlfriend.
Mahitabo kini pinaagi sa usa ka pribadong seremonya kun diin ang ilang tagsa-tagsa ka pamilya lang ang imbitado.
“To respect their families’ opinions, the wedding and everything related to it will be held privately, so we ask fans and reporters for their kind understanding,” suma pa sa statement sa management ni Chen.
Shawie ug Angelica nag-duet
Nahimout pag-ayo ang fans ni Megastar Sharon Cuneta sa dihang nag-oost ang ilang idolo og video sa Instagram kauban si Angelica Panganiban. Nag-duet ang duha sa awit nga “Got To Believe” . Kuha kini sa backstage sa 2019 ABS-CBN Christmas special sa Araneta Coliseum.
Midonar og P2M
Nitambong ang Fil-Am comedian nga si Jo Koy sa bag-ohay lang induction ceremony sa Walk of sa Eastwood City. Nidonar usab si Jo P2 million sa Movie Workers Welfare Foundation, Inc. nga nailhan usab isip Mowelfund. Nasayran nga 7usa si Jo sa namugnaan og star sa maong kalihokan, Nalakip usab niini sila si Catriona Gray, Rachelle Ann Go, Kim Atienza, Nanette Inventor, Edu Manzano, Jiggy Manicad, Jun Banaag, ug Alex Gonzaga.
Uyab na?
Gipalugwa sa Hashtags member nga si Ryle Santiago ag miyembro sa GirlTrends’ Sammie Rimando sa iyang latest vlog . NIsamot ang mga pagduda nga dunay tinagoang relasyon ang duha. “I know a lot of you have been requesting this, so here it is!! Bagay ba kami? Sino sa inyo ay mga Team #Rylemie,” matud pa ni Ryle. .
HK
Sa Hong Kong nag-bridal shower si Sarah Lahbati . Mapasalamaton si Sarah sa iyang mga higala nga nag-organize niini/. Nagpanikad na ang aktres sa umaabot nga kasal nila ni Richard Guttierez.
Nakadayeg sa ex-wife
Nakadayeg si Martin Nieverra sa iyang ex-wife nga si Pops Fernandez gumikan kay wala gyud kini nibuhi og bati nga pulong batok kaniya. Suportado sa duha ka kampo ang tagsa-tagsa nila nga kalipay.
Nakat-onan
Dako gyud nga leksyon ang nakat-onan ni Marjorie Barretto sa 2019 busa gipaneguro niini nga makabaton og positibo nga mga panghitabo sa iyang kinabuhi karong tuiga,“God is always good, and God is fair,” matud pa niya.
Baby boy
Gipahibalo sa magtiayong Slater Young ug Kryz Uy nga lalaki ang umaabot nila nga anak. Gianunsyo kini atol sa 30th birthday celebration ni Kryz niadtong Sabado.
International scene
Molugwa puhon sa international scene ang grupong SB19 . Na-busy ang maong grupo sa mga nagbaha nga gig. Gipaabot usab nga makabaton sila og kolaborasyon sa mga Korean performers puhon .
Mo-eskwela sa Harvard
Motungha ang TV host-athlete nga si Gretchen Ho took sa Harvard Business School. Gikuha niya ang short course nga The Business of Entertainment, Media & Sports.
- Latest