Naibtan og tunok

CEBU, Philippines — Gipaambit ni Kapamilya actor Alex Diaz nga daw naibtan siya og tunok sa iyang dughan human siya niangkon sa tinuod niya mga sekswalidad. Human matod pa siya niangkon nga usa siya ka bisexual, nigaan matod pa iyang paminaw.

Puol na?

Gitay-an matud pa ang Kadenang Ginto sa ABS-CBN human nalupig sa rating sa kaatbang niining afternoon series sa GMA-7 nga Prima Donnas base sa datos sa  Kantar Media nga gipagawas niaging semana.Ang Kadenang Ginto gibidahan nilang Dimples Romana, Beauty Gonzales, Francine Diaz, ug Andrea Brillantes, samtang nibituon sa Prima Donnas mao silang Sofia Pablo, Jillian Ward, ug Althea Ablan.

Mas mahadlok sa Ginoo

Gitubag sa komedyanteng si Ai-Ai delas Alas ang mga nisaway sa iyang anti-same-sex marriage statement. Mas mahadlok matod pa ang komedyante sa pulong sa Ginoo kaysa sa mga bashers.“Hindi rin ako natatakot sa mga sinasabi ng bashers dahil mas nakakatakot kapag hindi ko sinunod ang mga salita ng Diyos na may lalang sa ating lahat,” tubag pa ni Ai-Ai delas Alas.

Dili sayon

Giasoy sa Kapamilya star Jane de Leon nga dili matod pa sayon ang gibuhat niyang pagbansay sa kaugalingon para sa paglupad na unya niya isip bag-ong Darna. Busy karon ang aktres sa pagpanindot sa iyang lawas sa gym. Gikatakdang sugdan karong tuiga ang shooting sa maong upcoming film.

Bag-ong negosyo

Niabli og bag-ong negosyo karong bag-ong tuig ang aktres nga si Neri Naig ug usa kini ka new spa and wellness center. Nangutana kini sa iyang followers sa Instagram kun unsay ipangalan niya sa bag-o niyang negosyo ug ang mapilian kay hatagan niya og free treatments.Todo suporta sab sa maong negosyo ang bana niining si Chito Miranda.

Mobalik sa nasud

Gikatakdang mobalik dinhi sa nasud ang sikat nga Korean-Pop group nga EXO karong Pebrero didto sa Manila para sa buhatong special fan meeting niini nga pasiugdahan sa usa sikat nga South Korean cosmetics brand. Ang video sa maong grupo nga niimbitar sa mga pinoy fans kay giupload pinaagi sa Facebook.

Nasamad sa Traslacion

Miangkon ang Kapamilya singer Angeline Quinto nga nasamad siya atol sa pag-apil niya sa Traslacion sa Poong Nazareno didto sa Manila. Sa pagbinay-loay og komento sa singer sa iyang Instagram followers, giasoy niini nga napuno siya sa bun-og, nagdugo iyang ilong ug nawad-an pa og bra ang iyang kauban. Dugay na nga deboto sa Poong Nazareno si Angeline, sukad pa kaniadto nga dili pa siya sikat.

Nihupas ang gugma

Gipaambit sa YouTuber nga si Crisha Uy nga nawad-an matod pa og gugma para kaniya ang  kanhi live-in partner nga si Joem Bascon maong nagbuwag sila. Niaging tuig nibuto ang balita nga nagbuwag na sila ni Joem human sa walo ka tuig nga naghinigugmaay.‘Wala na tayo magagawa if he fell out of love,”asoy pa niini sa latest vlog entry niini sa YouTube.