Nasuwayan na ang tandem

CEBU, Philippines — Sila si  JC Santos ug Bela Padilla ang magpares sa pelikula nga On Vodka, Beers, and Regrets” nga gikatakda nga mapasalida karong Pebrero. Kahinumduman nga mitatak gyud ang ilang tandem kaniadto sa pelikula nga “100 Tula Para Kay Stella”.

Target sa manghod

Nanghinaot si Ken Anderson nga makahatag og direksyon sa usa ka proyekto kun diin mahimong bida ang iyang maguwang nga si Gerald Anderson human nakatuon og filmmaking sa miaging tuig sa South Asian Pacific Institute. “Sana. Pero matigas ulo niyan eh pag idi-direct .Joke, joke lang. I got into filmmaking so hopefully makapag-direct ako sooner or later”, suma pa ni  Ken.

Tag-as ang linya

Gitug-an ni Edgar Allan Guzman nga naglisod gyud siya pagdala sa iyang karakter sa pelikula nga “Mia” kun diin nakauban niya sa unang higayon si Coleen Garcia. Matud pa ni EA nga tag-as gyud ang iyang mga linya sa matag eksena ug daghan sab siya nga sag-ohon tungod kay daghan siya nga ipanglitok nga scientific terms. Dugang pa nga unang higayon sab niya nga maka-drive og motor sa usa ka eksena.

Dili pa panahon

Gibutyag ni Patrick Garcia nga dili pa niya pasudlon sa showbiz ang iyang kinamagwangan nga anak nga babaye. “Ay wag muna. Yung pa-YouTube YouTube na lang, mga ganun. It’s not yet time. Siguro when she’s old enough to decide for herself kung gusto niya talaga mag-showbiz then why not?”, suma pa ni Patrick.

Tinuod nga relationship goals

Gisaulog nila ni Helen Gamboa ug Tito Sotto ang ilang kaminyuon sulod na sa 49 ka tuig niadtong Enero 3, 2019. Human mi-greet ang ilang anak nga si Ciara Sotto, nagbaha ang komento sa netizens nga matud pa nga sila ang matuod nga relationship goals.

Gipaneguro ang kalidad

Gibutyag ni Direk Mark Reyes nga mo-ere sa GMA-7 ang live adaptation sa “Voltes V”  sa ulahing bahin sa  2020. Matud pa ni Direk Mark nga gisiguro nila nga maayo gyud og kalidad ang matag eksena nga ipagawas niini gumikan kay daghan na ang fans nga nag-atang sukad nga gianunsyo ang maong proyekto.

Coleen mitubag na

Gitubag ni Coleen Garcia ang tsismis nga matud pa nga dili na siya malipayon sa ilang kaminyuon ni Billy Crawford.  Gitubag sab niya kun nganong dili na siya aktibo sa social media. “I just felt I needed this time of silence also for myself, and I really needed to take a step back and reassess everything in my life. But it doesn’t mean that I’m not happy. Actually, I really feel that I’m at my happiest right now. And Billy is really helping me with that”, esplikar pa ni Coleen.

Midaghan ang followers

Miabot na sa tulo ka milyon ang followers ni Moira dela Torre sa Instagram. Mapasalamaton ang singer gumikan kay padayon siya nga gisuportahan sa kinabag-an.Mahiligon si Moira og hugot songs.

Gibahaan og subscribers

Gisudlan  na ni Kathryn Bernardo ang kalibutan sa pag-vlog. Gani, gilusad na niya ang iyang YouTube Channel nga “Everyday Kath” niadtong Enero 3, 2020. Duha ka oras human sa maong paglusad, nakaani dayon kini oh 90K subscribers.

Maglisod na gyud

Gitug-an ni James Reid nga naglisod gyud silang duha ni Nadine Lustre nga magkauban pagbalik karon sa usa ka proyekto ilabi na nga  dili na sila susama og management. “Currently yes, I admit it’s challenging but, we’re trying to work things out”, suma pa ni James.