Idonar sa charity

CEBU, Philippines —  Gipaambit sa aktres nga si Judy Ann Santos nga tipik sa kita sa gibidahan niyang pelikula nga ‘Mindanao’ kay idonar sa Kythe Foundation. Ang Kythe Foundation kay usa ka non-profit organization nga nag-atiman  sa mga  bata nga adunay cancer. Ang Mindanao maoy midaug isip Best Picture sa Metro Manila Film Festival karong tuiga. Si Juday usab ang napili nga best actress.

Balik - taping

Nibalik na sa taping sa Daig Kayo ng Lola Ko sa GMA-7 ang beteranang aktres nga si Gloria Romero.  Kahinumdoman nga nipahuway og upat ka buwan  sa maong show si Gloria  gumikan sa pagsige niya og kalipong.  Si  Nova Villa maoy temporaryong nihulip  kaniya.

Angel milugwa  na

Human ginganlan isip bag-ong anti-piracy ambassador sa Optical Media Board, nilugwa dayon si Angel Locsin sa labing una niyang anti-piracy campaign video. Sa maong video, makita ang vintage look ni Angel nga aduna’y 1950s setting kauban ang aktor nga si Cholo Barretto.

Kutob ra sa trabaho

Gibutyag sa aktres nga si Ruffa Gutierrez nga mosugot ra siya modala isip kabit sa telebisyon apan dili sa tiinuod nga kinabuhi. Nasayran nga kabit ang role ni Ruffa sa bag-ong teleserye sa ABS-CBN nga Love Thy Woman.