Pia nag-negosyo
CEBU, Philippines — Gisudlan na ni Pia Wurtzbach ang milk tea business nga gitawag og Bestea. Mao kini ang pangalan sa iyang negosyo gumikan kay ka-partner niya niini ang iyang best friends nga sila si Pauleen Luna ug Chef Niña Almoro.“This is it, guys! My besties and I have been working hard and really looking forward to this,” suma pa sa Instagram post ni Pia.
Natuman na gyud
Tsika pa ni Ara Mina nga dugay na gyud niya nga gipangandoy nga makalugwa sa FPJ’s Ang Probinsyano nga gibidahan ni ni Coco Martin. Nagmaya gyd siya sa dihang nasayran niya nga malakop siya niini. Bag-ohay lang nisulod ang karakter ni Ara sa maong teleserye. “Honestly matagal ko nang pinagdarasal na makapag-guest dito,” suma pa niya.
Tinguha Maricel
Target ni Maricel Soriano nga makatrabaho puhon sila si Sharon Cuneta ug Piolo Pascual. . Nasayod siya kun unsa kaboutan ang nahisgotang mga artista busa dili gyud kini lisod katrabaho.
Mapun-an og show
Nindot ra ang gikatakdang pagsugat ni Paolo Contis sa 2020 gumikan kay madugangan ang show niya sa GMA-7. Malakip si Paolo sa bag-ong Sunday noontime musical variety show sa GMA-7 nga All Out Sunday. Aktibo gihapon si Paolo sa gag show nga Bubble Gang.
Gihangop sa moviegoers
Gikagobtan sila si Aga Muhlach, Bela Padilla, Mon Confiado ug Xia Vigor sa dihang nibisita sila sa pipila ka mga sinehan sa miaging adlaw. Ilang gihimamat ang mga nisuporta sa pelikula nila nga Miracle in Cell No.7 .
Humble gihapon
Bisan sa ka busy ni Alden Richards , paningkamotan gyud niya nga makatambong sa mga special gathering sa iyang mga higala nga dili taga showbiz. DIli gyud matud pa makalimot si Alden kun asa siya nagikan.
Andrea nataypan ni Carlos
Ang Kadenang Ginto star nga si Andrea Brillantes maoy celebrity crush sa Pinoy Gymnast nga si Carlos Yulo. Gawas sa kaanyag ni Andrea, giingong banggiitan usab kini moarte.
Lahi ra gyud nga bf
Tsika pa ni Kiray Celis nga lahi ra gyud ang iyang non-showbiz boyfriend nga si Stephan Estopia gumikan kay nakapausab kini kaniya sa panglantaw sa pagsulod og relasyon. “Dahil alam mo sa sarili mo kung paano ka magmahal. Na yung nabibigay mo, naibabalik rin sa ‘yo ng walang effort at may kusa kasi deserve mo. Ganito pala magmahal. Ang sarap magmahal ng tamang tao. Proud sa ‘yo. Mahal ng pamilya mo. Taong marespeto at gagawin ang lahat mapasaya ka lang ng todo,” saysay pa ni Kiray.
Kusog sa takilya
Nilangkat na matud pa og kapin sa P100million ang kita sa pelikulang The Mall The Merrie ni Vice Ganda. Giingong nag-una kini sa labing kusog nga pelikula sa Metro Manila Film Festival (MMFF) karong tuiga.
Bag-ong endorsement ni Baby Zia
Dili basta-basta ang anak nila ni Marian Rivera ug Dingdong Dantes nga si Zia Dantes gumikan kay nakaangkon na usab kini og bag-ong endorsement. Siya ang latest endorser sa usa ka sikat nga local clothing brand.
Metro Manila Summer Film Festival 2020
Aduna na’y Metro Manila Summer Film Festival 2020 nga mahitabo karong April 2019. Si Senator Bong Go ang nag-propose niini isip usa sa mga bag-ong miyembro sa MMFF Executive Committee. Tumong niini nga daghan pa og mga pelikulang Pinoy ang molawig sa mga sinehan.
Nakadawat ra
Nakadawat ra ni Aga Muhlach nga wala siya nahimong Best Actor sa Metro Manila Film Festival 2019. Kahinumdoman nga napuno sa pagdayeg ang maayong pagdala ni Aga sa Pinoy version sa Miracle in Cell No.7. Ang usa sa mga bida sa pelikulang Mindanao nga si Allen Dizon maoy nahimong Best Actor sa MMFF karong tuiga.
- Latest