Gialirongan sa mga banggiitan
CEBU, Philippines — Gipasigarbo pag-ayo ni Catriona Gray ang paglugwa niya sa ASAP niadtong Dominggo gumikan kay nakauban niya entablado ang pipila ka country’s top singers.
Sa paglugwa niya sa maong show, iyahang nakauban sila si Sarah Geronimo, Regine Velasquez, Moira, Yeng Constantino, Kyla ug uban pa.
Matud pa sa beauty queen nga dili basta-basta ang nahisgotang singers.
“Such a dream to share the stage with our talented country’s pride,” matud pa niya.
Una na nga gipadayag ni Catriona nga gawas sa pagsuwat og libro, mogahin usab siya og oras sa iyang singing career.
Devon Sawa misuroy sa Pilipinas
Nibakasyon dili pa lang dugay sa Pilipinas ang sikat nga Canadian actor nga si Devon Sawa kinsa nailhan og maayo gumikan sa iyang ’90s hit film” nga Casper.
Base sa iyang Instagram post, nisuory siya sa Underground River sa Palawan.
Gitilawan usab niya ang pipila ka Pinoy foods.
Mga malakip sa AOS
Nipagawas na og teaser ang GMA-7 sa giingong bag-o nila nga Sunday variety program nga maoy ihulip sa Sunday PinaSaya.
Nag-ulohan kini og All Out Sunday (AOS) kun diin gawas nila ni Alden Richards ug Julie Anne San Jose, malakip usab sa maong show sila si Ken Chan ,Christian Bautista, Aicelle Santos, Kyline Alcantara, Miguel Tanfelix, Gabbi Garcia, Migo Adecer, Derrick Monasterio ug Mark Bautista.
Nakita usab sa teaser sila si The Clash season one winner Golden Canedo ug season two winner Jeremiah Tiangco.
Naa usab ang ubang produkto sa The Clash nga sila si Garrett Bolden, Jong Madaliday, ug Thea Astley .
Fumiya nakagawas na sa hospital
Nakagawas na sa tambalanan ang kanhi Pinoy Big Brother: Otso housemate nga si Fumiya Sankai human nagmalampuson ang iyang lung operation.
Matud pa niya nga mouli napud siya sa Japan.
“Finally my surgery is successful and then fast-recovery talaga. Thank you so much for all the support that’s why I’m out the hospital right now and this time I realized health is very important talaga,” saysay pa ni Fumiya sa iyang vlog.
Next target
Target ni Andrea Brillantes nga magtukod og negosyo sunod tuig. Mao kni ang sunod nga plano ni Andrea human siya nakapatukod og bag-ong balay. Naglawig ang career ni Andrea karong panahona tungod sa teleseryeng Kadenang Ginto.
Mapun-an ang apo
Madugangan ang apo ni Dra. Vicki Belo . Gibutyag sa anak ni Dra.Vickie nga si Cristalle Belo-Pitt nga nagsabak siya ug makabaton na og igsoun ang anak niya nga si Hunter.
Maternity leave
Magsugod na karong adlawa ang maternity leave ni Anne Curtis sa It’s Showtime. Si Anne maoy bida sa opening number sa maong show kagahapon. Emosyonal ang aktres sa pagpanamilit niya sa iyang fans.
Gikilig sa bana
Giangkon ni Judy Ann Santos nga gikilig siya sa dihang gi-post sa iyang bana nga si Ryan Agoncillo ang sexy photo niya sa social media. Dili kini law-ay , ug lingaw-lingaw ra gyud ang tanan sa dihang gikuhaan siya og hulagway niini
Supak unta
Giangkon ni Lotlot De Leon nga dili gyud unta siya ganahan kaniadto nga mosulod sa showbiz ang iyang anak nga si Janine Guttierez. Nausab lang kini sa dihang nakita gyud niya nga intresado gyud si Janine sa maong butang. Isip usa ka inahan, kinahanglan niya nga suportahan ang mga butang nga ikalipay sa iyang anak.
LizQuen mag-negosyo
Target nila ni Liza Soberano ug Enrique Gila nga mag-partner sa usa ka negosyo sunod tuig. Ganahan sila magtukod og wellness resort spa. “We’re really planning on opening up our own wellness resort spa. I love the ocean kasi and we actually enjoy getting massages, and all things natural. My mom is a big health freak ever since sicknesses in our family, she really became strict with her diet. She went vegan for a time and ang dami niyang alternative medicine,” saysay pa ni Enrique ngadto sa PUSH.
Sekreto sa magtiayon
Usa sa sikreto sa pagbaton og lig-ong relasyon sa magtiayong Bayani Agbayani ug Lenlen mao ang paglikay sa lalis ilabi na kun maghisgot og salapi. Suma pa ni Bayani nga dili madala ang salapi sa higayon nga mopanaw sila niining kalibutana busa wala gyu’y hinungdan kun awayan ang maong butang.
Gihangop gihapon
Human sa duha ka dekada , gihangop gihapon si Aga Muhlach atol sa Parade of Stars sa Metro Manila Film Festival 2019 niadtong Dominggo . Si Aga ang usa sa mga bida sa pelikulang Miracle in Cell No. 7 sa Viva Films.
Proud ate
Emosyonal si Kim Chiu sa dihang nasayran niya nga usa na ka piloto ang iyang igsoun nga si John. Gipasigarbo niya ang nalampos sa iyang igsoun.“What a way to end this year. Literally with a bang! Woke up with a good news! All in His name. Salamat papa Jesus! After all the hard work and patience, this is it john! Thank you for not giving up and thank you for fulfilling your promise to me and most especially Thank you for not failing my trust in you,” suma pa sa IG post sa aktres.
Mensahe sa anghel
Gidasig ni Angel Locsin ang katawhan nga motabang gyud sa mga nanginahanglan. Nasayran nga usa si Angel sa mga artista nga aktibo kaayo sa pagsalmot og mga relief operations. Mahibaw-an nalang kini tungod sa mga hulagway gikan sa netizens.
- Latest
