Pagtin-aw ni Bianca

CEBU, Philippines — Miklaro ang Kapuso actress Bianca Umali nga bisan sige siya og post sa iyang sexy photos sa  social media, dili matod pa niya intensyon nga ipabuhagay ang iyang  pagka-sexy..“Being sexy is never an intention for me. Kapag nagpu-post po ako, it’s not to show people na ito yung gusto kong hitsura, ito na yung goal ko. Hindi po siya ganun, e,"sigon pa niini.

Mikondinar sa pelikula

Nanawagan ang komedyanteng si Ai-Ai delas Alas nga ipaundang pagsalida ang pelikula sa Netflix nga "The First Temptation of Christ" nga matud pa  niya   mibugal-bugal kang  Hesukristo ug kang Birhen Maria. Sigon pa ni Ai Ai, masunog matod pa kita sa empyerno kung motan-aw sa maong pelikula. Nailhan ang komedyante nga Marian devotee.

Labing init

Gipaambit sa aktres nga si Iza Calzado  ang  pinakagrabe niyang love scene nga nabuhat mao matod pa ang sa eksena nila sa batan-ong aktor nga si Jameson Blake alang sa  Metro Manila Film Festival 2019 entry nga Culion. “Actually, pinakamalalang love scenes ko ’to. Buti na lang, kaibigan,” asoy pa ni Iza.

Mosabay sa uso

Gipaambit sa komedyanteng si Pokwang nga kinahanglan niyang mopalambo sa iyang talento isip komedyante ilabi na karon nga bag-o na ang estilo sa pagpakatawa karon. "Kailangan mo talagang mag-evolve din, kasi kung hindi, maiiwan ka. Siyempre ngayon dahil yung mga millennials kailangan sasabay ka sa kung ano yung uso,"paambit pa niini.

Proyekto ni  Cesar

Pursigido karon ang aktor nga si Cesar Montano sa pagprodyus og mga pelikula nga mopakita sa kultura sa Pilipinas ug pagkabayanihon sa mga Pilipino. Sigon pa ni Cesar, giordinahan siya isip datu sa Obo Manobo sa Davao busa kalabot sa mga tribu ang mga gihimo niyang pelikula karon.

Happy anniversary!

Nagbinayloay og sweet messages sa social media ang magtiayong  Regine Velasquez ug Ogie Alcasid atol sa ilang 9th wedding anniversary. Gikasal silang Ogie ug Regine niadtong Disyembre 22, 2010, didto sa Batangas nga gitambungan sa mga suod nilang higala. Nakabaton sila og anak nga si  Nate, kinsa walo ka tuig na ang pangidaron karon.

Shodi late!

Gipaambit sa FPJ's Ang Probinsyano star Coco Martin nga istrikto kaayo siya sa oras sa taping ug kinahanglan wala gyu'y ma-late.“Kaya napakahigpit ko sa oras, kasi gusto ko lalung-lalo na yung mga nagsisimula na ang matutunan nila ay yung pagiging professional. Kasi ako, naniniwala ako na maraming magagaling na artista, maraming mga sikat na artista, pero iilan lang yung mga artista na propesyonal sa trabaho nila,” pamunto pa niini.

Greetings sa uyab

Ni-post og sweet birthday greeting ang singer nga si Morissette Amon alang sa uyab nga si Dave Lamar. Gi-post ni Morissette sa social media ang hulagway ni Dave sa bata pa kini. “I’d love to keep you forever,”caption pa niini.

Target ni Robi

Gipaambit ni Robi Domingo ang plano niya karong Pasko kauban ang girlfriend nga si Maiqui Pineda Usa sa iyang bucket list mao nga masuwayan ang  skydiving. “I don’t know. Maybe something that has to do with heights. I’m afraid of heights actually. Skydiving is one thing and bungee jumping in Macau. I don’t know what will happen to me. Preferably (with her),” sigon pa niini.

Love wins

Nagsaulog sa ilang 7th anniversary ang YouTuber nga si Mikey Bustos ug partner niini nga si RJ Garcia pinaagi sa pagsuroy-suroy didto sa Los Angeles sa Estados Unidos. Kahinumduman nga karon lang tuiga, daghan ang nakurat sa pag-angkon ni Mikey nga usa siya ka bayot ug aduna siya'y gikarelasyon karon nga lalaki.