Sakripisyo ni Jane

CEBU, Philippines —  Tsika pa ni Jane de Leon nga ubay-ubay gyud ang nasakripisyo sa dihang gidwat niya ang project sa Star Cinema nga Darna ug pipila niini mao ang iyang oras sa pamilya ug sa iyang kaugalingon. “Emotionally po sobrang hirap. Siguro yung mga ibang tao sinasabi nila, ‘Ang suwerte naman niyan naging Darna siya, suwerte naman ng batang ito,’ pero sobrang grabe yung kailangan mong ibuhos sa dedikasyon para dito at ang dami ko ng sinakripisyo para sa proyektong ito,” tsika pa niya ngadto sa PUSH.

Pribadong relasyon

Dilli gusto  si Ruffa Gutierrez nga ipublikar ang iyang love life.  Gusto siya og malinawon relasyon hinungdan nga ipabilin niya nga pribado ang maong butang.   Matud pa niya nga wala’y mahatag nga kaayohan kaniya kung mag-wagas siya sa iyang lovelife.

Nangandam sa float

Si Direk Brillante Mendoza  gyud ang nangunay  sa  pagpangandam  sa  float sa  pelikulang  ‘Mindanao’ alang sa umaabot ga Parade of Stars sa pagbukas sa Metro Manila Film Festival 2019.    Si Judy Ann Santos  ang usa sa mga bitoon sa maong pelikula.

Nagpa-relax sa Palawan

Nibakasyon sa   El Nido, Palawan ang kaslonon nga sila si  Richard Gutierrez ug  Sarah Lahbati. Nag-enjoy og maayo ang duha sa hugyaw kaayo nga resort sa maong dapit.

Next level

Gipangandaman gyud ni Jake Cuenca ang sunod nga hugna sa relasyon  nila ni Kylie Versoza. Una na nga gipadayag ni Jake nga si Kylie na gyud ang makauban niya paingon sa altar sa kaminyoon.

Gipakita ang mansion

Gipakita ni  Kryz Uy pinaagi sa iyang YouTube Channel   ang mansion nila sa iyang bana nga si  Slater Young dinhi sa Sugbo . Gi-feature gyud sa iyang latest vlog ang living room, dining area, walk-in closet,  kusina  ug ang ilang  master’s bedroom.

Nakauyon sa mga Pinoy

Puwerting lipaya sa Korean star  nga si IU gumikan sa paghangop sa mga Pinoy sa iyang concert didto sa kaulohan sa miaging gabii. Suma pa sa singer nga intresado na hinoun siya nga mobalik puhon dinhi sa Pilipinas  gumikan sa kaboutan sa mga Pinoy.

Molaag sa Cebu

Tsika pa ni Tony Labrusca  ngadto sa E-Group  nga  mobakasyon siya dinhi sa Sugbo  kauban ang iyang mga higala a sunod semana.  Motikang sila sa pipila ka mga hugyaw nga lugar sa Cebu.

Bela ug Marco sa Spellbound

Sa labing unang higayon, magpares sa pelikula  sila  si Bela Padilla  ug Marco Gumabao nga ubos sa direksyon ni Thop Nazareno.Mao kini ang Filipino adaptation sa  2011 South Korean blockbuster movie nga Spellbound . Ang Viva Films maoy magpaluyo niini.

Nakadawat og star

Usa  si  Roi Vinzon sa mga artista nga nakadawat og  star sa Kapuso Walk of Fame sa miaging adlaw.  Dili gyud masukod ang gibating kalipay ni Roi sa dihang nakakita siya sa iyang pangalan sa Kapuso Walk of Fame.”Hindi ko alam ang magiging pakiramdam ko, kasi ang tagal ko na ngang artista, pero ngayon lang ako nakaramdam ng ganito. Iba pala kapag nakikita mo ang pangalan mo na nasa loob ng isang star,” matud pa niya.