Pia ug Marlon nagbuwag
CEBU, Philippines – Nagbuwag na sila si Miss Universe 2015 Pia Wurtzbach ug ang taod-taod na niya nga boyfriend nga si Marlon Stockinger.
Mao kini ang gikumpirman sa business manager ni Pia nga si Rikka Infantado-Fernandez ngadto sa PEP.ph (Philippine Entertainment Portal).
"Yes, it's confirmed and you can quote me on that," suma pa ni Rikka ngadto sa PEP.
Matud pa niya nga September pa nagbuwag sila si Pia ug Marlon.
Makadaghan na nga higayon nga nagtakilid ang ilang relasyon.
Buwag na ang duha sa dihang gisaulog ni Pia ang iyang 30th birthday didto sa Bali, Indonesia.
Dunay tindubdab ang PEP nga ang pagka-walay trabaho ni Marlon maoy rason sa ilang breakup.
Gipapas na usab ni Pia ang mga hulagway nila ni Marlon sa iyang Instagram account. Nilungtad og dul-an sa tulo ka tuig ang ilang relasyon.
Annabelle ug Greta nagtingog na!
Nagtingog sila si Gretchen Barretto ug Annabelle Rama human kini nag-abot sa usa ka private dinner sa miaging adlaw.
Nakakita gyud sa ilang panag-uli mao ang bana ni Annabelle Rama nga si Eddie Guttierez ug ang tag-iya sa Regal Films nga si Mother Lily Monteverde.
Nakakuha og video niini mao ang entertainment reporter nga si Jun Lalin ug gi-upload kini sa YouTubve.
“Hindi niya kayang awayin ako. Let’s face it, mahal mo ‘ko,” saysay pa ni Greta ug nitubag dayon si Annabelle og , “Oo naman.”
Kahinumdoman nga giingnan ni Gretchen og sawsawera ang anak ni Annabelle nga si Ruffa Guttierez human matud pa nag apil apil kini sa isyu nga giatubang sa iyang pamilya.
- Latest