Nagpunay og tan-aw og Kdrama

CEBU, Philippines – Nagpunay og tan-aw og Korean dramas ang bag-ong Darna nga si Jane de Leon isip usa sa iyang preparasyon sa umaabot na nga shooting sa nahisgutang pelikula.

Mao matud pa ni ang sikreto niya nganong nakakat-on siya unsaon pag-arte, gawas nga mangutana ug magpatudlo sab siya sa iyang mga nakatrabaho nga mga beterano.

Wala pa gyud na tribukar kanus-a gyud ang shooting sa maog pelikula. Ang nasayran lang ni Jane nga mag-script reading na sila sa dili madugay.

Apan wala pa sab siya masayod kinsay makauban niya sa script reading sanglit wala pa sab ikabutyag kinsay iyang umaabot nga leading man ug uban pa nga co-stars.

Usa sab gani sa giatangan gyud mao ang modala sa papel nga Valentina. Adunay mga hugon-hugon nga si Andrea Brillantes maoy padad-on niini, kinsa sikat usab karon nga kontrabida gumikan sa toprating nga ABS-CBN teleserye Kadenang Ginto.

Bukas si Andrea kun ugaling niya ihatag ang maong role, apan hunahuna niya mao nga mura’g dili kini mahitabo sanglit bata pa kaayo siya aron modala sa maong papel. Disisais anyos pa lamang ang maong teen actress.

Mahadlok ang friends

Dili na matud pa muduol sa anak ni Aiko Melendez ang mga higala niini gumikan sa kontrabida role sa aktres sa GMA-7 afternoon series nga Prima Donnas.

Pero nag-enjoy si Aiko sa iyang pagka kontrabida sanglit makaduwa duwa matud pa siya sa iyang character.

Iba kasi kapag masama yung role, napaglalaruan mo.

“At saka, ang hirap lang minsan kumalas doon sa pagiging masama, lalo na in real life.

“Hindi naman ako ganito kabakulaw, di ba?

“Mahirap lang minsan, like, sabi nga ng anak ko na si Marthena, ‘Mama, why is your role, bad? E, you’re not bad naman in person. You know, my friends don’t want to be with me.’

“Sabi ko, ‘Why?’ ‘Kasi, they say, I’m the little Kendra.’ Sabi ko, grabe naman!”

Nag-date?

Nagkagubot ang netizens niadtong Martes sa gabii human nga nakit-ang nagtupad samtang nitan-aw og volleyball game tali sa Philippines ug Vietnam sila si Pasig City Mayor Vico Sotto ug ABS-CBN reporter Gretchen Ho.

Ang duwa nga ilang gitan-aw didto gipahigayon sa Phil Sports Arena sa Pasig ug tipik sa nagpadayon nga Southeast Asian Games. PildI ang Pilipinas.

Gikilig ang netizens nga nakakita sa duruha nga nagtupad og lingkod ug nag-istorya pa gyud. May mga nangutana kun nag-date ba gyud ang duruha.

Nasayran nga nag-coverage si Gretchen sa SEA Games para sa ABS-CBN. Mahiligon sab siya og volleyball sanglit tipik siya kaniadto sa Ateneo Lady Eagles.  Ang nakapahinam sa netizens mao nga managsama sila nga single busa gitupo-tupo sila, ug gimugnaan dayon og hashtag: #ViChen.

Gihagit pa gani si Vico sa us aka netizen nga i-post sab matud pa ang picture niya kauban si Gretchen, human nag-upload ang mayor og hulagway niya kauban si Ormoc City Mayor Richard Gomez u gang Olympian nga si Yoyong Martires.

Wala pay reaksyon ang masig ka habig kabahin sa kahinam sa netizens alang nilang duha.

Mark, ni “flirt” kang Yulo?

Gimugnaan og malisya sa netizens ang pag-greet sa singer nga si Mark Bautista ngadto kang SEA Games gymnastics gold medalist Carlos Yulo niadtong Martes.

Gani, hasta si Yulo nipadayag nga nakugang sab matud pa siya nga gi-follow siya ni Mark.

“Okay I’m shocked. He messaged me and he followed me aswell wtf?!,” nagkanayon siya sa Twitter.

Gi-message sab siya ni Mark nga nagkanayon: Congrats man! Amazing!

Gumikan niini, na-excite si Yulo ug gi-upload ang screenshot sa maong message. Dinhi na nagsugod ang malisya tali sa gibuhat ni Mark kay matud pa ni-“flirt” ang singer ngadto sa multi-medalist gymnast.

Gibanhaw sa netizens ang pag-angkon ni Mark kaniadto nga usa siya ka bisexual.

Apan dali nga gidepensahan ug nangayo og dispensa si Yulo.

“It saddens me to see tweets about @iammarkbautista because of my tweet out of excitement. Kindness, message of encouragement and appreciation is not a sign of flirting. Let’s focus on #SeaGames2019 and winning as One,” nagkanayon si Yulo.

Maine, gidayeg ni Lani

Gidayeg ni Bacoor City Mayor Lani Mercado si Maine Mendoza kinsa nakatrabaho niya alang sa Metro Manila Film Festival entry nga Unstapabol starring Vic Sotto.

Nanay siya ni Maine sa maong pelikula apan mga mugbo ra matud pa ang ilang mga eksena.

Apan gidayeg niya si Maine nga wala matud pay arte ug labihan ka seryoso sa trabaho.

“Tahimik siya, e, I find her very tahimik.

“Tapos she’s... alam ko, she’s very busy, she’s a very busy lady.

“Kasi she was doing two movies when we were doing Mission Unstapabol, ginagawa niya rin yung pelikula with Carlo Aquino.”

Ang “Isa Pa With Feelings” ang gipasabot ni Mercado.

“So, she was shuttling from one shoot to another. So, talagang alam kong devoted siya sa trabaho niya.

“Walang ereng bata, tahimik.”

Sauna pa gipadayeg ni Mercado nga ganahan gyud siya kang Maine.