Marian ug Gabby magpares

Human sa pagpahuway sa showbiz sulod sa tulo ka tuig , gikatakdang mobalik na sa pag-arte si Marian Rivera. Usa sa nag-atang niya nga proyekto sa GMA-7 mao ang  teleserye nga dunay pasiuna nga titulo nga First Yaya. Makapares ni   Marian sa maong proyekto mao si Gabby Concepcion.

Wala pa matino kun kanus-a sugdan ang maong teleserye kun diin mao kini ang labing unang higayon nga magpares  sa usa ka project sila si  Gabby ug Marian.

Kahinumdoman nga gipadayag ni  Gabby kaniadto nga pangandoy gyud niya nga makatrabaho si Marian.