Deadmahay ang show
CEBU, Philippines — Deadma na lamang matud pa si Janella Salvador kun ugaling magkaabot sila sa iyang kanhi loveteam nga si Elmo Magalona sanglit dili gyud malikayan nga magkurus ilang mga dalan gumikan kay gamay ra ang showbiz ug managsama pa sila nga talent sa ABS-CBN. Pagkakaron, gilambigit si Janella kang Pinoy Boyband finalist Markus Patterson apan wala pa gyud silay tataw nga pag-angkon nga sila na gyud.
Bastos ang Showtime
Bastos matud pa ang mga taga Showtime suma pa ni Gil Morales o mas naila isip Ate Gay. Kini kay gipaapil siya sa band rehearsal ug pictorial alang sa TNT Celebrity edition apan wala gyud siya sultihi sa reason nganong wala siya nahinayon sa maong kompetisyon diin si Ethel Booba ang nidaog.
“Love is Love”
Wala direkta og tubag ni Raymond Bagatsing ang pangutana kun bisexual ba siya o dili. Gipasabot ni Raymond nga kitang tanan adunay feminine ug masculine side nga atong nakuha sa atong mga ginikanan busa wala siya’y direkta nga tubag kundi “Love is Love”, nga maoy titulo sa iyang pelikula nga isalida na sa dili madugay.
Mas okay ang yads
Kun papilion matud pa siya sa bayot ug matrona isip ka relasyon, pilion ni Jay Manalo ang nahauna. Kini kay matud pa niya mas lapad og pagsabot sa mga bayot itandi sa matrona nga wild kaayo og hunahuna ug labihan ka selosa. Giangkon ni Jay nga may gay experience na siya. Bida si Jay sa pelikulang “Love is Love” nga isalida karong December 4.
Mobalik na ang Lizquen
Mobalik na sa telebisyon sa sayong bahin sa 2020 ang loveteam sa Luzquen nila ni Liza Soberano ug Enrique Gil. “Make It With You” ang title sa ilang teleserye nga sa Europe gigama ang kasagaran sa eksena.
Gibalandra ang muscles
Gikagubtan ang hulagway ni Alden Richards nga iyang gi-upload sa iyang Instagram account niadtong Biyernes diin nagpakita sa iyang namukol nga muscles.
“Flex ko lang,” ang uso nga expression karon, nga nagpasabot nga ibalandra o ipsigarbo.
Si Alden literal nga nag-flex sa iyang mga bukton nga gipakpakan og maayo sa netizens pinaagi sa pagpa-ulan niini og liboan ka mga likes.
Poha, Loydie ah
Laing gikagubtan kining gwapo na kaayo nga dagway ni John Lloyd Cruz nga gi-upload sa fredperry.ph IG account.
Nahugyaw ang netizens sanglit gitangtang na ni Loydie ang iyang bungot ug bangas ug nahibalik na ang iyang matinee idol look.
- Latest