Ms. International 2019: Patch, kutob ra sa Top 8
CEBU, Philippines – Nahimong trending ang nindot nga speech ni Miss International Philippines 2019 Bea Patricia “Patch” Magtanong kalabot sa women empowerment atol sa Miss International 2019 nga gipahigayon didto sa Tokyo, Japan kagahapon.
“To cheer all women means to support all women regardless of their race, religion, or background. But not only this – it also means to remove the barriers that prevent women from realizing their full potential. Miss International does this by fostering a global culture of women empowerment and gender equality. And through this platform, we can ensure that no woman anytime, anywhere is left behind” tipik sa iyang speech.
Nakasulod lang ang abogada nga si Bea sa Top 8 ug ang nakaangkon sa korona mao pambato sa Thailand nga si Sireethorn Leearamwat. (Sanden J. Anadia)
Video ni Regine nag-viral
Gipistahan og maayo sa netizens ang video kun diin makita ang cute kaayo nga reaction ni Regine Velasquez samtang nipadangat sa iyang speech si Miss Universe 2018 Catriona Gray atol sa usa ka event sa kompanya kun diin susama sila nga endorser.
Nakabaton dayon kini og minilyon nga views, shares ug comments. Ang maong kalihokan nahitabo niadtong Sabado didto sa Philippine Arena. (Sanden J. Anadia)
Sucaldito mipasaylo na kang Morissette!
Gidawat na sa concert producer nga si Jobert Sucaldito ang pagpangayo og pasaylo sa Cebuana singer nga si Morissette Amon human kini ni-walkout sa concert bag-ong singer nga si Kiel Alo.
“Hindi naman masamang tao ‘yong bata. Ang importante rito, she owned up to it and she realized that she was wrong,” saysay pa ni Sucaldito sa usa ka programa sa dzMM.
Gihangyo ni Sucaldito ang publiko nga sabton si Morissette ug nanghinaot siya nga dili mausab ang maong insidente.
Matud pa niya nga dili siya kahibalo magdumot busa kinasing-kasing gyud ang pagpasaylo niya kang Morissette.
“With this Morissette, anak pa rin kita. I am praying that after this, everything will be okay for your health wise, mentally and emotionally. Hindi ako marunong magtanim ng galit sa mga taong umaamin ng pagkukulang nila - that doesn’t make them less of human beings. Kaya thank you for acknowledging and let’s move forward for a better tomorrow. God bless you anak.,” matud pa sa FB post ni Sucaldito.
Kahinumdoman nga grabe ang kahiubos ni Sucaldito kang Morissette gumikan kay wala gyud kini nitungtong sa entablado bisan iyaha na kini nga gihangyo.
Nasayran nga wala ka kontrol ang singer sa iyang emosyon human gipangutana sa TV Patrol showbiz reporter nga si Mario Dumaual kalabot sa iyang pamilya.
Giingong sensitibo si Morisette sa maong topic ug dili siya ganahan nga modako pa ang isyu kalabot sa iyang pamilya.
Una na nga nibuto ang isyu kaniadto nga wala mauyoni sa amahan ni Morissette ang boyfriend sa singer nga si Dave Lamar.
- Latest