Morissette nagwalk-out sa concert

CEBU, Philippines — Gipistahan pag-ayo sa social media   ang tsika nga matud pa ni-walk out ang singer nga si Morissette Amon sa usa ka  concert.

Ang Cebuana singer maoy special guest sa birthday concert   sa bag-ong singer nga si Kiel Alo sa Music Museum niadtong  Miyerkules ng gabii.

Suma pa sa producer sa maong show nga si   Jobert Sucaldito nga posibleng na-offend ang singer sa pangutana sa  TV Patrol entertainment reporter nga si Mario Dumaual kalabot sa lovelife ug pamilya niini. Matud pa nga nihilak ang singer  ug dili na kini ganahan nga mo-perform  ug giparok pa gyud niini ang iyang ulo sa bungbong.

Tungod sa maong hitabo, giatubang ni  Sucaldito ang  audience ug nilenggua nga  dili makapasundayag  si Morissette  gumikan kay maglisod kini sa pagpagawas sa tingog niini.

Sa nikatap nga video sa social media, makita nga nihangyo pa si  Sucaldito nga motungtong sa  stage si Morissette  aron dili siya masaypan nga nangilad  sa mga tawo .Wala matud pa nisaka ang singer sa entablado  ug nigawas kini sa venue.

Pagkahuman sa concert ni  Kiel,  nipadayag si  Sucaldito sa iyang kahiubos sa gibuhat ni Morissette  ug wala siya nagdahom nga buhaton kini sa singer ngadto kaniya.

Nakahilak si Sucaldito sa  kasakit  nga nabuhat ni  Morissette kaniya.

Nitan-aw sa maong concert niadtong gabhiona sila si Annabelle Rama ug Daisy Romualdez ug wala sila mahimout sa gibuhat ni  Morissette.

Grabe ang pagyawyaw ni Daisy og nilenggua kini og “Wala siyang lugar dito sa showbiz kasi ang ugali ng singer ay hindi ganyan.”

Samtang si  Annabelle sa iyang bahin, nipadayag kini nga usa siya sa nihatag og tsansa kang  Morissette nga makasulod sa  showbiz human kini nisalmot sa  artista reality search sa  TV5 nga Star Factor niadtong 2010. Kahinumdoman nga usa si Annabelle sa mga hurado sa maong show.

“Nung nag-join siya sa Star Factor, ako lang ang bumuboto sa kanya.Lahat ng ibang judge, ayaw siyang iboto. Ako lang bumilib sa kanya.Andito ako ngayon, gusto ko sanang pakinggan kung magaling talaga siya. I’m planning to get her. Ngayon, forget. Nakakahiya siya,” saysay pa niya.

Nakaingon si  Annabelle  nga labing maayo nga mouli na lang si Morissette sa Cebu.

“Tama si Daisy, umuwi kang Cebu, ‘Day, magpahinga ka na dun. Magtinda ka dun ng mga isda tsaka saging. Hindi na ‘yan sisikat, bagsak na ‘yan.Unang -una, na-in love sa lalaki niya.Pangalawa, lumalaban sa tatay niya. Ang isang singer, lumalaki ang ulo, kinakalaban ang parents, patay ka na day.Goodbye Morissette, karmahin ka sana sa tatay mo,” saysay pa  ni Annabelle nga tataw nga dunay koneksyon  sa isyu nga giatubang sa singer kalabot  panagbikil niini sa iyang amahan  human kini niuban sa iyang boyfriend nga si Dave Lamar.

Apan pipila ka supporters ni  Morissette ang  nipadayag nga angayan huwaton  ang tubag sa ilang idolo  sanglit dili pud lalim ang giagian niini .

Pipila sa iyang dumadapig ang nilenggua nga sabton na lang ang singer  gumikan kay seguradong duna kini bug-at nga rason kun ngano iyaha kining nabuhat.

Sa pagsuwat niining balitaa, wala pa moisyu og statement  ang kampo sa  singer.

Ipasalida sa Pilipinas Indonesian remake sa Kita Kita

Gikatakdang ipasalida dinhi sa Pilipinas karong  November 13  ang Indonesian remake sa pelikula nga “Kita Kita” nga unang gibidahan kaniadto nila ni  Alessandra de Rossi ug Empoy .

Nag-ulohan ang maong pelikula og “”Cinta Itu Buta” o “Love is Blind.”

Gibidahan kini sa sikat kaayo nga mga artista sa Indonesia nga sila si Shandy Aulia ug  Dodit Mulyanto. Ubos kini sa direksyon ni Rachmania Arunita.

Kahinumdoman nga puwerting sikata sa “Kita Kita” niadtong 2017  nga nikita og kapin sa P300 million.  Nasayran nga P10 million ang budget sa pagama sa maong pelikula nga gi-produce ni Piolo Pascual.

Pinay fan nahimamat si Taylor

Nagmaya og maayo ang usa ka Pinay nga si Robee Serrano human niya nahimamat ug nakagakos  sa global pop star  nga si Taylor Swift atol sa pagbakasyon niya sa  Shibuya, Japan.

“She’s so nice, nakipag-usap and pumayag pa mayakap,” suma pa sa IG post sa maong Pinay fan ni Taylor.

Suma pa ni Robee nga nisulod siya sa usa ka shop aron unta mopalit og souvenir items ug wala niya damha nga naa pud diay niadtong tungora ang sikat nga singer.

Matud pa niya nga dili gyud arte  si Taylor  ug na-starstruck siya niini.

Bag-ong kalingawan

Gibutyag ni Mika Dela Cruz nga ganahan siya mo- focus sa  vlogging karong panahona. Dili siya mohatag og dakong oras  sa telebisyon niining tungora.  “I’m focusing more on digital this year so wala muna masyadong teleserye. I’m going to work on my YouTube channel. I’m trying to be consistent sa postings and nag-aaral ako ngayon mag-host sa events so yun. Actually I wanted to try it ever since and I got tired siguro sa mga soap so now that’s what I’m going to focus on,” tsika pa pa niya ngadto sa  PUSH.

Excited sa project

Nagpanikad na si  Gerald  Anderson sa umaabot niya nga  Kapamilya action-drama series nga A Soldier’s Heart. Kauban niya sa maong show sila si Elmo Magalona, Nash Aguas, Jerome Ponce, Yves Flores, Vin Abrenica ug  Carlo Aquino .

Nataypan sa publiko

Ni-click dayon  ang bag-ong cover ni Toni Gonzaga nga gi-upload sa iyang  YouTube channel. Gikanta ni Toni ang  “Never Really Over” ni Katy Perry .”I was working out when they played this song. I instantly fell in love with the melody and I can’t get it off my head so I decided to do a cover. So much fun going back to the recording studio! Hope you enjoy my Katy Perry cover!” nagkanayon si   Toni sa interview niini sa ABS-CBN News.

Mobalik sa telebisyon

Human nagsagunson ang mga pelikula ni Aga Muhlach, intresado na usab ang aktor nga molugwa og balik sa telebisyon. Nagpaabot lang si Aga og nindot nga mga offer. “Naghihintay lang ako na may mag-offer,” suma pa ni Aga.

Isko balik-pelikula

Gikumpirmar  ni  Manila Mayor Isko Moreno nga molugwa siya sa  2019 Metro Manila Film Festival movie entry ni Coco Martin nga “3pol Trobol: Huli Ka Balbon.”  Matud pa niya nga mayor gihapon ang role niya sa maong pelikula. Ang talent fee niya sa maong proyekto iyahang ipaderetso sa Philippine General Hospital (PGH).

Bag-ong kapares

Ang aktres nga si  Belle Mariano maoy bag-ong screen partner ni  Donny Pangilinan ug gikatakda nila nga magpares sa  iWant series  nga  “He’s Into Her.”Si  Chad Vidanes  ang magsilbing direktor niini ug gibase kini sa  bestselling book ni Maxine “Jiji” Lat.”Tungkol siya sa isang probinsyanang babae na pumunta sa Manila to have a better education at pagdating dito sa Manila ay ibang-iba ang pagkatao niya sa lahat ng tao sa paligid niya. Her conflict is would she change herself just to fit in or spark this change to people around her,”  matud pa sa direktor Vidanes sa interview niini sa ABS-CBN News.

Mga pagsulay

Tsika pa ni Vina Morales  nga ubay-ubay nga mga pagsulay ang iyang naagian karong tuiga   hinungdan nga wala gyud siya masulod sa iyang huna-huna nga mosulod og usa ka relasyon.  Naka-focus ra si Vina sa pag-atiman sa iyang anak ug sa iyang career.

Nominado sa Asian Television Awards

Tungod sa iyang role isip  Vicky sa first Filipino anime series nga Barangay 143, nominado si Julie Anne San Jose sa 2019 Asian Television Awards sa kategoryang Best Actress in a Leading Role.Nominado usab sa maong  awards-giving body ang Barangay 143 sa kategoryang Best 2-D Animated Program, Best Direction (Fiction), ug  Best Theme Song.

Lahi nga series

Gipadayag  ni Direk  Antoinette Jadaone nga lahi  ang tirada sa  upcoming series nila ni James Reid ug  Nancy nga  Soulmate Project kumpara sa uban niya nga mga proyekto. Suma pa niya nga susama ang format niini sa  K-drama o  US series. “Hindi siya teleserye. It’s a series because it’s 13 episodes. It’s not like how we do teleseryes na you do it per script every day, with a weekly script,” saysay pa niya ngadto sa ABS-CBN News.

Nalingaw sa Pilipinas

Nalingaw og maayo ang  South Korean singer  nga si Kang Daniel  sa pagtikang niya dinhi sa Pilipinas dili pa lang dugay.   Gisuroy gyud niya ang usa amusement park sa   Pasay City.  Nagduwa usab siya og basketball.