Bag-ong bf ni Rhian
CEBU, Philippines — Gikatahong gipublikar na ni Rhian Ramos ang gidungog niya nga uyab nga foreigner nga ginganlan og Amit Borsok .
Matud pa nga gidala kini ni Rhian sa usa ka Halloween costume party nga gi-organize ni Raymond Gutierrez.
Katapusang nauyab ni Rhian mao ang negosyante nga si Jason Choachuy niadtong 2018.
Liza nakahinuklog
DIli lalim ang giagian ni Liza Soberano sa pagtikang niya sa South Korea ug nitan-aw sa concert sa K-Pop group nga BTS didto sa Seoul Olympic Stadium.
Nisayo gyud siya og linya sa venue aron maseguro nga makapuwesto og nindot nga lugar ug nilungtad gyud kini og taas nga oras.
Tungod sa maong kaagi, nahatagan gyud siya og katin-awan sa kahulogan sa pulong nga 'fangirling'. Nakahuna-huna usab si Liza nga mao usab diay kini ang maagian sa iyang fans sa higayon nga duna siya’y mga show busa dako gyud siya og pasalamat niini.
"I’m proud to be a fan of such talented people and I’m proud to have fans who are the most loving and understanding people I’ve ever met. "I’ve got the best of both worlds,” tipik sa IG post ni Liza.
Nathalie isip Barbara
Mobalik na sa pag- arte ang aktres nga si Nathalie Hart pinaagi sa remake sa Pinoy horror movie classic nga 'Patayin Sa Sindak Si Barbara'. Si Nathalie maoy modala sa karakter ni Barbara ug makapares niya si JC De Vera. Nasayran nga taod-taod na nga nakapahuway si Nathalie sa showbiz sukad siya nanganak.
- Latest