Sexy photos ni Nadine gipistahan

CEBU, Philippines — Gipakugang  sa Multimedia Princess nga si  Nadine Lustre ang iyang fans  pinaagi sa iyang   hulagway   nga naka-topless sa   special photo shoot alang sa selebrasyon sa iyang  26th birthday.

Kuha kini sa celebrity photographer  nga si  Dookie Ducay ug gi-post niya kini sa Instagram.

Sa usa ka hulagway, gipalugwa gyud sa aktres ang iyang  underwear.

Nagsul-ob usab siya og  swimsuit  sa usa niya ka hulagway  ug giparesan  kini og jeans.

Gipistahan  kini  pag-ayo sa netizens ug  gidayeg ang hugyaw nga pamorma sa lawas ni  Nadine.

Pangandoy ni Alyssa

Malipayon si Alyssa Muhlach  gumikan kay nahatagan gyud siya og tsansa nga makasulod sa acting world.   Sa wala pa nahimong beauty queen si Alyssa, dugay na gyud niya nga gipangandoy nga mahimong artista. Pag-umangkon si Alyssa ni Aga Mulach.

Opinyon ni Gary

Gihulagway ni  Mr. Pure Energy Gary Valenciano nga usa ka nindot nga outlet alang sa mga bag-ong singer ang pagbaha sa mga singing competition.  “It’s a good sign and it means that there really are countless amazing vocalists in the Philippines today. Maybe their mindset may not be exactly where it should be for now. It’s the only way where they can be heard right now before a live audience,” saysay pa ni Gary nga namantala sa PUSH.

Anak ni Andi gibunyagan

Gibunyagan na niadtong Miyerkules ang  anak nila ni  Andi Eigenmann ug  Philmar Alipayo. Duha ka buwan na ang ilang anak nga si  Lilo .  Wala gihapo’y plano si Andi nga mobalik sa showbiz.

Napaso

Nakabaton og paso sa iyang lawas   si Enchong Dee human nasunog  ang oil canister sa balay sa iyang higala sa miaging adlaw.   “Don’t leave anything   na may sindi ng apoy like scented candles, scented oils, cooking appliance, etc. Baka eto maging sanhi ng malaking sunog. Please be mindful and careful yeah?! I learned my lesson and I don’t know if this will scar my face,” suma pa sa iyang social media post.

Bag-ong sinagop

Mapasigarbohong gibutyag ni Claudine Barretto nga nisagop na pud siya og bata  nga ginganlan og  Noah.”My Palanggas, meet my Noah,” suma pa sa iyang IG post.

Unsa man gyud?

Tsika pa ni  Baron Geisler nga nagkomedya ang beteranang aktres nga si  Gina Gina Pareño sa lenggua niini nga matud pa gihikap sa aktor ang iyang boobs atol sa taping sa usa nila ka proyekto kaniadto sa ABS-CBN.   Apan kun si Gina ang pasultion,   dako na siya og edad ug  wala na siya’y oras sa pagpamakak

Pinangga gyud

Nakabantay  gyud  si  Hashtag Kid Yambao kun unsa ka pinangga ni  Ion Perez si  Vice Ganda.   Malipayon siya alang sa iyang mga higala nga nagkahigugmaay.

Magdaginot

Alang kang Neri Naig, importante gyud ang pagtigom ug seguradoon nga dili mausik ang kuwarta   panahon sa Pasko.  Paliton lang matud pa ang mga kinahanglonon.

Serbisyo publiko

Usa ang beauty queen nga si Patricia Tumulak sa mga bag-ong  advocate sa  GMA Kapuso Foundation. Dakong garbo alang kaniya nga  malakip sa usa ka butang nga naghatag og serbisyo publiko.

Girespeto ni Zanjoe

Girespeto  ni  Zanjoe Marudo ang nahimong hukom sa  Metro Manila Film Festival  2019 Selection Committee alang sa mahimong entries karong tuiga sa  maong film festival.  Nasayran nga wala malakip sa listahan ang pelikula ni  Zanjoe nga Isa Pang Bahaghari kun diin nalakip usab niini ang beteranang aktres nga si Nora Aunor.