Nahimamat si David

CEBU, Philippines — Nahimamat gyud sa magtiayong  Solenn Heussaff ug  Nico Bolzico  ang football star nga si  David Beckham atol sa pagbisiya niini dinhi sa nasud dili pa lang dugay.  Suma pa ni Solenn nga dakong garbo akang kanila nga mahinabi sa personal si David ug dili gyud kini labad nga pagkatawo

Maglahi og proyekto

Gibutyag ni Markus Paterson nga dili siya ganahan nga makauban niya sa proyekto ang gidungog niya nga girlfriend nga si Janella Salvador. “‘Yun po ‘yung iniiwasan ko. Obvious reasons. I mean, she has her own career. I have my own career. Ayaw namin i-touch ‘yun,” saysay pa sa aktor nga namantala sa PUSH.

Space Shuttle Challenge

Gisuwang sa bandang Ben&Ben ang pagkanta sa ilang hit song nga “Pagtingin” samtang nagsakay og Space Shuttle.   Puwerting lingawa sa duha  gumikan kay nadala gyud nila ang pagkanta niini bisan sa kakusog sa hangiin.

Kris nag-sorry sa PMPC

Nangayo og pasaylo si  Kris Aquino   sa mga miyembro sa Philippine Movie Press Club (PMPC)   gumikan kay wala siya katambong  sa 33rd Star Awards niadtong Dominggo sa gabii.   Nakalangkat si Kris og Ading Fernando Lifetime Achievement Award . Dili siya ang personal  nga  nidawat niini . Suma pa ni Kris nga nilarga  siya sa Singapore alang sa iyang follow-up check-up  sa   kondisyon sa iyang lawas.

Gisabotahe

Gikasubo pag-ayo ni  Jed Madela ang gibuhat sa ubang Pinoy didto sa Amerika gumikan kay gisabotahe ang iyang concert sa maong dapit. Pipila sa iyang posters ang gitabonan aron dili masayod ang ubang tawo nga duna siya’y concert.

Molugwa sa SEA Games

Ang grupong Black Eyed Peas maoy mo-perform sa closing ceremony sa  SEA Games nga pagahimoon dinhi sa Pilipinas karong  December 11 .  Ilaha idalit ang bag-o nila nga single nga  “RITMO (Bad Boys For Life).”

Tribute alang sa teachers

Nihatag og tribute alang sa mga magtutudlo ang It’s Showtime hosts nga sila si  Amy Perez, Anne Curtis, Karylle, ug  Vice Ganda .  Dili pa lang dugay , gidala sa Knowledge Channel Foundation Inc. (KCFI ang pipila ka mga magtutudlo sa studio sa It’s Showtime atol sa kasaulogan sa World Teachers’ Day.

Korean series

Mosikad na karong October 21  sa ABS-CBN ang  Korean series nga  “I Have a Lover,” . Gibidahan kini nila ni Ji Jin-Hee ug Kim Hyun-joo.  Mao kini ang mopuli sa timeslot sa morning series  nga Nang Ngumiti ang Langit nga matapos na karong Biyernes.