National costume ni Leren nataypan
CEBU, Philippines – Naputos sa mga pagdayeg ang national costume sa pambato sa Pilipinas sa 2019 Miss Globe nga si Leren Mae Bautista nga kasamtangang tua sa Tirana, Albania .
Ang national costume ni Leren gigama sa Filipino fashion designer nga si Chico Estiva.
Inspirado sa Maranao Princess ang maong national costume ni Leren. Mahitabo na karong October 22 ang coronation night sa Miss Globe 2019.
Suma pa sa nanggawas nga mga obserbasyon sa pageant lovers nga nisidlak gyud sa entablado si Leren ug dali ra kini molangkat og atensyon sa audience.
Julia ug Gerald spotted sa birthday party
Nasigpatan sila si Julia Barretto ug Gerald Anderson sa birthday celebration sa usa ka Star Magic handler nga ginganlan og Luz Bagalacsa sa miaging gabii.
Hinoun wala sila magdungan sa pag-abot ug wala usab matino kun nagka-istoryahanay ba ang duha o wala.
Nakuryuso ang ilang fans kun okay pa ba ang ilang panaghigalaay human sila gitsismis kaniadto nga dunay relasyon. Kahinumdoman nga nagsagobang og kontrobersiya si Julia kaniadto human gipasanginglan nga maoy rason sa breakup nila ni Gerald ug Bea Alonzo.
KathNiel nag-date sa Paris
Human sa ilang pagbakasyon sa Iceland sulod sa duha ka semana, nihapit sa Paris ang mag-uyab nga sila si Kathryn Bernardo ug Daniel Padilla .
Suma pa sa Instagram post ni Kathryn nga duna pa sila’y dakong oras nga bakante hinungdan nga nihapit sila sa sikat kaayo nga Eiffel Tower.
Gitodo gyud nila ni Kathryn ug Daniel ang pagbakasyon sa laing nasud gumikan kay dunay nagtangag nga mga proyekto alang kanila inigbalik nila dinhi sa Pilipinas.
Heart gikahimot-an sa netizens
Trending karon ang vlog entry ni Mimiyuuuh kun diin kauban niya sa video ang aktres nga si Heart Evangelista.
Gipatilaw si Heart og mga street food ug usa na niini mao ang tinai o isaw.
Nahimout pag-ayo ang netizens sa lenggua ni Heart nga nagkanayon ,“Maarte po ako, pero mabuti akong tao.”
Niabot na og 3 million views ang maong video.
Nauyonan ni Marian
Nakauyon ra si Marian Rivera sa leading lady ni Dingdong Dantes sa Pinoy adaptation sa Descendants of the Sun. Nasayran nga si Jennylyn Mercado maoy ipares ni Dingdong sa maong proyekto. “Bagay naman si Jen dun eh,” suma pa niya.
Lee Seung motikang sa nasud
Nagmaya ang Pinoy fans sa Korean actor nga si Lee Seung Gi human nigawas ang taho nga motikang sa Pilipinas ang ilang idolo. Molugwa kini sa usa ka event karong weekend didto sa kaulohan. Sikat kaayo karon ang iyang Netflix series nga Vagabond.
Rio bida sa Kargo
Si Rio Locsin ang bida sa online mini-series na Kargo. Makita kini sa iWant sugod karong October 11. “First time ko itong ginawa. Driver ako, pero hindi taxi driver. Pangalawa, medyo mabigat ‘yung tema niya. Tapos lola ako ng isang bata rito, dalagita. Tapos may nangyari at kung paano namin na-solve ‘yung nangyari. Exciting ito,” suma pa sa aktres.
Nabun-og sa trabaho
Gikatahong naglain ang lawas ni Maine Mendoza gumikan kay nabun-og kini sa trabaho. Gawas sa noontime show nga Eat Bulagan, busy usab siya sa promosyon sa pelikula nila ni Carlo Aquino nga Isa Pa With Feelings. Duna pud siya’y shooting sa pelikula nila ni Vic Sotto alang sa Metro Manila Film Festival 2019. Mapasalamaton si Maine gumikan kay tugtan ra siya sa Eat Bulaga nga makapahuway usahay.
Black Lipstick
Gisugdan na kagahapon sa pagpasalida sa mga sinehan ang pelikula ni Kyline Alcantara nga Black Lipstick. Sila si Migo Adecer ug Manolo Pedrosa ang mga kauban niya sa maong movie lilas.
Tibouk floor
Tibouk third floor ang kuwarto ni Andrea Brillantes sa umaabot niya nga balay. Una na nga gipahibalo ni Andrea nga gisugdan na ang konstruksyon niini. Ang iyang igsoun ug inahan ipahimutang niya sa ikaduhang andana.
Nakadawat og rekognasyon
Dul-an na sa 200,000 subscribers ang official YouTube channel sa Asia’s Pop Diva nga si Julie Anne San Jose, Nakadawat ang singer og Silver Creator Award nga gitawag og Silver Play Button sa Youtube . “I know that this has been a long journey to achieve this milestone. But guys, I can’t thank you enough for the love and support. I know that I have been busy and inactive for quite some time. But, I’m still working on some stuff and I promise you that I will be uploading more vi¬deos soon,”suma pa niya.
Elisse nagpa-sexy
Dili na malilong ang anam-anam nga pagpa-sexy ni Elisse Joson sa bag-ong Kapamilya series nga Sandugo. Kauban niya sa maong teleserye sila si Vin Abrenica ug Ejay Falcon.
Presensya sa amahan
Gitambongan ni Cesar Montano ang debut sa anak nila ni Sunshine Cruz nga si Angelina Cruz. Wala ra magdugay si Cesar sa maong party gumikan sa laing importante niya nga lakaw. Taod-taod na nga wala magtingog sila si Cesar ug Sunshine.
McCoy namaligya og lugaw
Malipayong gitsika sa Hashtags member nga si McCoy de Leon nga nakaumol na siya og negosyo. Naka-franchise ang aktor og sikat nga lugawan. “Hindi ko akalain sa buong buhay ko magkakaroon ako ng negosyo pero dahil sa inspirasyon ko sa pamilya ko at sa mga kaibigan ko nabuo ang isang pangarap na to.Sana masamahan niyo po ako sa panibagong matutunan ko sa larangan ng buhay at gabayan niyo po sana ako Panginoon,” suma pa sa iyang IG post.
- Latest