Julia mopatim-aw na

CEBU, Philippines —  Gikatahong mobalik na sa showbiz sulod karong tuiga ang aktres nga si Julia Montes. Taod-taod na nga nipahulay  si Julia sa industriya.  Una na nga nigawas ang tsika kaniadto nga dugay na ang relasyon nila ni Julia ug Coco Martin .

Busy sa training

Sa Kagandahang  Flores mipaubos og training si Patricia Javier isip preparasyon sa pagsalmot niya sa  international beauty pa¬geant nga Noble Queen of the Universe nga mahitabo karong  December 1, 2019 didto  sa Manila Hotel.

Magpabilin sa GMA

Ni-renew si  Paolo Contis sa iyang  kontrata sa GMA Network sa miaging adlaw, sulod sa 15 ka tuig, maayo ra ang dagan sa career ni Paolo sa GMA busa wala  masulod sa iyang huna-huna nga mobalhin og laing network.“Basically, dito na sa GMA, dito na ako tumanda,” suma pa ni Paolo.

Nagkaaway

Giangkon nila ni Vice Ganda ug Anne Curtis nga nagkaaway sila kaniadto apan dali ra usab sila   nagtingog.  Nagsugod kini sa dihang nalabay ni Anne ang watermelon shakre ni Vice.   Wala dayon mangayo og sorry si Anne niadong higayona nga niresulta sa ilang panaglalis.

Mag-concert sa LA

Mo-perform ang The Clash judges nga sila si  Ai-Ai delas Alas, Lani Misalucha ug  Christian Bautista  didto  sa  Los Angeles, California. Nag-ulohan kini og  All 4 You: The Clash Concert ug nalakip pud niini ang season one grand champion nga si Golden Cañedo. Pagahimuon ang maong concert sa Arcadia Performing Arts Center karong  October 19.

Bela isip sundalo

Dili matud pa basta-basta ang role ni  Bela Padilla sa pelikulang “Mañanita” nga ubos sa direksyon ni  Paul Soriano.  Modala si Bela isip sundalo   busa  mopaubos gyud siya og immersion aron dili isya maglisod sa iyang mga eksena.

Nakahilak sa mensahe

Nakahilak  gyud si  Joshua Garcia sa dihang nakadawat siya og suwat gikan sa iyang inahan atol sa iyang 22nd birthday.   Mapasalamaton si Joshua sa iyang inahan gumikan sa wala’y puas nga pagpangga niini  ngadto kaniya.

Dream house

Nagpanikad na si  Andrea Brillantes sa gipatukod niya nga dream house.  Gipakita ni Andrea pinaagi sa iyang vlog ang nagpadayon nga konstruksyon sa iyang umaabot nga panimalay.

Gubot sa social media

Nakaingon si  Tony Labrusca nga nagkainit na gyud og maayo ang  nagkadaiyang isyu sa  social media:  Wala na matud pa siya kasabot gumikan kay dunay ubang tawo ang magsige na lang og bash.

Proud ang uyab

Gibutyag ni  Jerome Ponce nga proud kaayo ang iyang  girlfriend  nga si Mika Reyes sa iyang  gay role sa pelikulang ‘Ang Henerasyong Sumuko Sa Love. Nasayran nga nagkalig-on og samot ang relasyon nila ni Jerome ug Mika nga nitungtong na sa kapin  tulo ka tuig.