Most challenging

CEBU, Philippines — Gipaambit sa aktres nga si Megan Young nga ang pinaka-challenging nga role nga iyang nasuwayan mao ang horror series nga Hanggang Sa Dulo ng Buhay Ko sa GMA-7 diin siya ang bida. "It’s my most challenging show as a whole, dahil sa horror aspect na andami kasing shots na kukunan minsan kahit na... di ba, minsan, may crying scenes na, ‘Ah basta, isang take lang yan!"asoy pa niini.

Nagtapok

Nag-reunion ang tanang miyembro sa That’s Entertainment niadtong Sabado sulod sa restaurant nga gipanag-iya ni Harlene Bautista. Gawas sa maong panagtapok, gisaulog sad nila ang 86th birthday sa founder sa ilang grupo nga si  anhing German Moreno ug gihatagan og plaque of appreciation ang aktor ug karon Manila Mayor Isko Moreno. Ang That’s Entertainment kay usa ka youth-oriented variety show sa nasud nga gipasalida niadtong 1986 hangtod 1996.

Basta nindot ang materyal

Bukas matod pa si Popstar Royalty Sarah Geronimo sa posibling panag-uban nila ni Daniel Padilla sa usa ka pelikula basta nindot lang ang istorya niini. “Yes! Actually I’m looking forward to it, pero kailangan lang na perfect ‘yung material namin. Pero sana hindi siya dapat maging pilit, hindi siya dapat maging formula, alam mo ‘yun dapat talagang iba,” sigon pa ni Sarah.

Pagbout ni Patricia

Gihimakak ni 2019 Mrs. Universe Finest Woman Patricia Javier ang tsismis nga daw gibawian siya sa naangkong korona. Giklaro niini nga wala siya gi-dethrone kun dili mas gipili niyang morepresentar sa nasud para sa 2019 Noble Queen of the Universe pageant nga ipahigayon dinhi sa Pilipinas karong Disyembre 1, 2019 gumikan kay wala kini nag-conflict sa tinuig nila nga Christmas vacation sa iyang pamilya didto sa Amerika.

Happy sa resulta

Nakakita na gyud ang aktres nga si Ella Cruz sa gikalangkuban niyang pelikula nga 'Edward' nga nakapadaog niya og Best Supporting Actress award. "Happy ako. It turns out po na maganda ang mga eksena namin ni Louise, not just the scenes pero yung buong pelikula, talagang mapapamahal ka sa mga character,”niya pa.

Open sa publiko

Nagsugod na kagahapong adlawa, Dominggo ang public viewing sa haya sa movie queen Amalia Fuentes didto sa Mt. Carmel Church sa Quezon City. Namatay niadtong Sabado sa buntag ang aktres sa edad nga 79 anyos ug gikatakda kining ilubong karong Oktobre 8.

Dili  gusto'g backer

Giangkon sa singer nga si Marlo Mortel nga naglisod siya sa iyang career tungod kay wala siya’y  benefactor. Dili matod pa kinahanglan mopatol og backer para magkabaton og proyekto. “Hindi naman ako against diyan. Hindi naman kasi natin alam yung mga nangyayari behind the scenes, di ba? Pero ako kasi, never kong tinry (sinubukan) na makipagjowa. Hindi talaga, kaya din ako nahihirapan siguro,” asoy pa ni Marlo.

Happy sa gays

Malingaw matod pa ang aktor nga si Jerome Ponce sa pakighigala ug pakig-uban sa pipila ka miyembro sa  LGBTQ community. Sa bag-ong pelikula ni Jerome nga ‘Ang Henerasyong Sumuko sa Love’, usa ka bayot ang iyang role. “Very respectable naman sila dahil ako mismo kung papapiliin, ang mga gay na friends ko kailangan ko sila sa buhay ko kasi masaya talaga sila kasama,"niya pa.

Mihimakak sa pasangil

Kusganong gihimakak ni Cesar Montano ang balita nga ang gobyerno maoy nagbayad sa ilang accomodation ug plane ticket sa mga artista  padulong didto sa Russia uban ni President Rodrigo Duterte.“Wala po kaming bayad, hindi po kami binayaran ng gobyerno. Kusang loob po kaming pumunta dito para mapaligaya kayo,” sigon pa ni Cesar.

Sweet nga anak

Nalingaw matod pa kaayo si Marian Rivera ug anak niini nga si Zia sa ilang pagsuroy sa usa ka marine theme park. Sa mga hulagway nga gi-post ni Marian sa Instagram, makita nga nag-enjoy si Zia sa mga isda ug reptiles nga iyang nakita sulod sa oceanarium. "Bago siya matulog, sabi niya 'mama thank you for today.' - it really touched me, napaka-sweet talaga ng anak ko," ni Marian pa.