PSN Showbiz

Dihang Mibulig ang Kapalaran

October 7, 2019 | 12:00am

CEBU, Philippines — Ang Ginoo lang gyud ang nasayod kun unsa ang haum nga karakter nga gikinahanglan nato nga pagabuhaton dinhi ibabaw sa yuta. Mao nga gikinahanglan nga mosalig lamang kita Kaniya gumikan kay siya lamang ang nakahibalo kun unsa ang angayan nato nga pagabuhaton aron nga magmapuslanon kita samtang kita adunay kinabuhi.

Ang kinabuhi sa 34 anyos nga transwoman nga si Maria Karla Boscono Lisen, kinsa nakoronahan isip Queen of Pardo 2019 maingon nga wala niya damha nga labaw pa sa iyang giampo ang nahitabo sa iyang kinabuhi karon.

Giasoy ni Karla nga niadtong bata pa lang siya, wala niya damha nga mahimong usa ka beauty queen.

"To become a supermodel is my wildest dream. Hahaha! Ang akong uncle si Irvin Lisen nga usa ka fashion designer, together with his friends who are also designers spent their time at home nga magtan-aw og fashion show videos and I watched with them. From there, I love imagining myself walking on a runway wearing these fancy clothes with other supermodels", siya miingon.

Matud pa ni Karla nga taud-taud na sab siya nga migawas sa iyang lungga kun diin mopakita sa iyang tiunay nga kolor gumikan kay wala siya gidawat sa iyang amahan.

"Growing up was not easy. Para nako, I was his great disappointment because he wanted me to follow his footsteps. Pirmi ko mabunalan og bakus ug paludhon sa altar kay tungod bayot daw ko", asoy niya.

Tuod man, bisan pa man sa iyang nasinati sa iyang amahan, wala siya magpadala niini.

"Gusto ko happy ko and to be myself makes me happy", suma pa niya.

Niadtong tuig 2003, gisuwayan niya pagsalmot og mga beauty pageant ug didto niya nasayran nga anaa na siya sa kalibutan nga gusto niya sudlan kun diin makauban niya ang sama niya og interes --- ang magpakatinuod sa kaugalingon ug pangitaon ug tagamtamon ang kalipay nga walay sama.

Apan sa wala pa siya makasulod sa maong kalibutan, nahimo una siya nga assistant ni Bongbong Flores kinsa iyang ig-agaw nga usa sab ka tang-an nga beauty queen dinhi sa Sugbo.

"Na-inspired kaayo ko to become beautiful and feminine-looking. So, I started my transition through hormonal replacement therapy. Sulod sa pipila ka tuig, people noticed my physical changes and received a lot of compliments so it boosted my confidence and decided to join pageants", dugang pa niya.

Ang pagdawat sa iyang isigkatawo maoy kanunay nga unod sa pagpasalamat niya sa Ginoo tungod kay sa iyang pagsalmot og mga beauty pageant, ubay-ubay na sab ang mga korona nga iyang naangkon ug nauli sa ilang panimalay.

"It's overwhelming and I’m overjoyed because I only not gain the cash prize but also good friends,”padayag niya.

Kalipay ni Karla ang mabatyagan ang suporta gikan iyang mga higala matag tungtong niya sa entablado.

Naa gyud sa iyang huna-huna nga nasudlan na niya ang modeling world pinaagi sa pagrampa.

Ang pagrespeto sa mga tawo kaniya maoy usa sa mga bulawan nga dili gyud mabugtian og kuwarta.

Usa sa iyang prinsipyo mao ang pagpakita og maayong batasan sa iyang isigkatawo sanglit mao kini ang instrumento alang sa malinawon nga palibot.

Alang kang Karla, nga basin og pasiuna nga regalo lang sa Ginoo ang pagsalmot niya og indigay o basin og magsilbi kini nga pagpangandam aron nga matumam ang iyang pangandoy nga mahimong usa ka supermodel.

Wala masayod si Karla sa unsa man ang iyang dangatan sa kinabuhi apan nagmalaumon siya nga maayo lang ang iyang padulngan. Dugang pa, gisalig niya sa Ginoo kun unsa man ang mga mosunod nga mga panghitabo sa iyang kinabuhi gumikan kay alang kaniya, ang Kahitas-an lang ang nasayod sa tanan.

Sa higayon nga mahuman na ang iyang termino, target pud niya nga mosalmot pa og dugang indigay aron mapalapdan pa niya og maayo ang iyang abilidad.

Kasamtangang nagtrabaho si Karla isip wedding specialist ubos sa grupo ni Carlo Abaquita.

Q&A

BNH: Describe yourself in ways nga wala pa kaayo nasayran sa mga tawo diha nimo.

Karla: I'm very passionate about animals. I was raised by my grandparents because i came from a broken family. Naa sila’y mga mananap nga gibuhi. I grew up with these animals and that's why my heart is so close to them.

BNH: Unsa ang imong formal trainings sa runway o sa imong pag-apil og pageants?

Karla: Sa tinoud lang, I dont have formal trainings. S2! ahhaha! Self-study, self-practice. Through watching videos, it somehow polished my walk and communication skills.

BNH: Unsa ang imong prayers in life?

Karla: I always pray for good health, for me and for my family and loved ones.

FASTFACTS

Name:

Maria Karla Boscono Lisen

Birthdate: May 3, 1985

Nationality: Half-Filipino Half-Filipina

Height: 5'9"

Vital Statistics: 35-25-35

School & Degree: University of Cebu - BS Nursing

Favorite Song: How Deep is Your Love

Favorite Movie: A Walk To Remember