“More than friends”

CEBU, Philippines – Sa pagtapos sa ilang teleserye nga The Better Woman sa GMA-7 karong gabii, pormal na nga giangkon nila ni Derek Ramsay ug Andrea Torres nga labaw pa sa panaghigalaay ang ilang  relasyon.

Gani, “babe” ang ilang tawganay ug tug-an pa ni Andrea, tawgon sab matud pa siya og “Chin Chin” ni Derek usahay gumikan kay suwangon siya.

Apan sa ilang teleserye, nasayop sila sa ilang tawganay gumikan kay “love” ang endearment sa ilang character, apan “babe” matud pa ang nahimo nilang tawganay tulo ka managlahi nga higayon.

Giasoy sab nila nga suod matud pa sa usa’g-usa ang ilang masig ka mga ginikanan gumikan kay mga pipila ka mga higayon na sab nga nagkuyog sila og pangaon.

Samtang giasoy ni Derek nga sa una pa lang nilang panagkita nabatyagan na nila ang ilang connection.

“Yung connection naman namin was, even before extra.

“The things you’re talking about, wala naman kaming alam na magiging ganito ka-close kami.

“When we first met, we already had a connection dun sa station ID ng GMA.

“We just connected, we were just talking about pag-aartista, we did not see na may connection kami, and then nabuo.

“Alam mo, walang ano, e… Usually, pinag-iisipan mo ‘yan. It just flows naturally.

Pagklaro pa ni Derek: “We are more than friends. We’re at that stage na we both have feelings for each other.

It’s not just both physically attracted, it’s deeper than that in the sense that she has met my parents, I’ve met her parents, our parents have met.”

Gi- “hack” Banat News Hugyaw!

Nagkapuliki og tubag sa mga pangutana sa MOR 97.1 Lupig Sila DJs si Banat News Hugyaw editor Ryan Mark, (naglingkod), atol sa iyang pagbisita sa estasyon niadtong Martes sa hapon alang sa gitawag og “Banat Hugyaw FB Page Takeover Game.”

Lilia ang ilang jamming pinaagi sa pagtan-aw sa FB Live nga naa sa MOR CEBU 97.1 Lupig Sila FB page kay sa labing unang higayon kumpleto gyud ang paborito ninyong mga DJs nga sila si (L-R): Idol Turagsoy, Chixie, Kimyat, James Spider Kaka, Rick, Jacky G., Kulas.

Tekla pildi ni Kim!

Gikaguol sa fans ni Super Tekla ang balita niadtong Miyerkules nga gilangaw ang pelikula sa ilang  idolo sa mga sinehan.

Nilugwa na ang launching movie ni Tekla nga nag-ulohan og Kiko En Lala diin kauban niya sila si Jo Berry, Kim Domingo ug Ai Ai delas Alas.

Ang tsika, wala kaabot og P1M ang first day gross sa nahisgutang pelikula. Nanghinaot ang iyang fans nga mukusog kini ugma ug sa Domingo kay matud pa kataw-anan sab gyud ang nahisgutang movie.

Pero kun naguol ang fans ni Tekla, nagmaya ang mga supporters ni Kim Molina gumikan kay medyo nauyonan ang pelikula sa ilang idolo.

Si Kim maoy bida sa gisalida na karon nga “Jowable” nga nibukas sab sa mga sinehan niadtong Miyerkules.

Nihipos matud pa og dul-an P6M ang first day gross sa movie ni Kim.

Daghan ang nakauyon niini kay matud pa dili lamang kini kataw-anan, aduna say drama ang maong pelikula ug may makat-unan nga pagtulun-an.

Vice-Ion, nagsaulog sa monthsary

Nag-post og mensahe sa Instagram ang komedyanteng si Vice Ganda atol sa  monthsary nila sa uyab nga si Ion Perez niadtong Miyerkules.

“Everybody deserves to love and be happy. Everybody includes YOU and ME,”caption pa ni Vice sa hulagway nila ni Ion  nga naggunit og kamot.

Nasuta sa publiko nga “monthsary” gyud nila ni Vice ug Ion niadtong Miyerkules sanglit giasoy man kini sa TV host-comedian atol sa live episode sa It’s Showtime sa niadtong adlawa.

Nagbaha sa maong post ang congratulatory messages gikan sa iyang mga higala sa showbiz. Sa pagka-karon, wala pa nasuta kung pila na gyud  ka buwan ang iang relasyom.