Na- Depress
CEBU, Philippines — Mipagawas na og pamahayag ang Tawag ng Tanghalan finalist nga si Mariko Ledesma kabahin sa pag-atras niya sa kompetisyon. Sa iyang Facebook post, didto niya gipagawas ang iyang gibati. “Hindi madali sa akin ang pag quit ko sa tnt pero mas mahihirapan po ako kung ipagpapatuloy ko pa ang laban kung ay nag sa suffer sa depression. Opo, Depression po. After po ng laban ko kay Mariane samu’t saring pangbabatikos po ang inabot ko at masyadong personal po ang pangba bash na inabot ko. Mula pm, dm,” siya mipadayag.
Gibalik-balikan og halok
Gisaysay ni Barbie Imperial nga matud pa nga kiwawan si Paulo Angeles kun aduna silay kissing scene niini sa ilang proyekto nga iWant series nga ‘Taiwan That You Love’. “Naiilang pa din siya kapag may mga kiss, smack… Nahihiya po talaga siya. So ang ginagawa ko kini-kiss ko talaga siya, paulit-ulit talaga”, suma pa ni Barbie.
Nadayon ang Reunion
Nadayon na gyud ang reunion nila ni Gabby Concepcion ug Sharon Cuneta. Ang duha nagsawo sa usa ka entablado sa nahitabong 12th Gabay Guro Gathering didto sa Mall of Asia Arena niadtong Domingo, Septiyembre 22, 2019.
Na-Scam ang mga anak
Mipahimangno si Ai Ai Delas Alas nga magbantay sa mga online scammer. Matud pa ni Ai Ai nga nabiktima ang iyang mga anak nga sila si Sancho ug Sophia. Asoy ni Ai Ai nga walay klaro og bogus ang mga naka-deal sa iyang mga anak sa online.
Andam makig-uli
Bukas gihapon ang pultahan ni Heaven Peralejo nga mag-uli sila ni Jimuel Pacquiao nga nakarelasyon niya sa hamubo lang nga panahon. Matud pa ni Heaven nga wala siya magdumot niini bisan pa man og sa makadiyot lang ang ilang gisaw-an nga paghinigugmaay sa usa’g usa.
Makadawat gihapon
Gitug-an ni Derrick Monasterio nga hangtud karon makadawat gihapon siya og indecent proposal gikan sa gay community. Matud pa niya nga bisan og wala siya lung-i niini, girespeto gihapon kini niya tungod kay makaamgo ra kini nga dili maayo ang ilang gibuhat ngadto kaniya.
Wala kadawat og memo
Gi-bash si Dawn Chang gumikan kay sobraan ang kahabwa sa iyang gisul-ob nga sapot sa ABS-CBN Ball 2019. Matud pa sa mga basher nga wala kadawat sa memo si Dawn gumikan kay Filipiniana ang tema karong tuiga.
Midaog sa Edukcircle Awards
Midaog sila si Kathryn Bernardo, Daniel Padilla ug Darren Espanto sa EdukCircle Awards niadtong Sabado didto sa Quezon City. Midaog si Daniel isip Most Influential Male Film Actor ug Most Influential Male Endorser of the Year. Si Kath mao ang nakaangkon sa Most Influential Female Endorser of the Year. Samtang si Darren Espanto midaog isip Male Music Artist of the Year, Most Outstanding Teen Artist of the Year, ug Most Influential Concert Performer of the Year.
Gi-hack ang mga account
Gibutyag ni Kris Bernal nga na-hack ang iyang social media accounts nga Instagram, Twitter ug ang iyang personal nga email account. Matud pa ni Kris nga duda niya nga dili lang usa ka binuhat ang naghimo niini apan usa kini ka grupo nga wala pa mailhi.
Mga malnourish
Gitubag ni Toni Gonzaga ang usa ka basher nga matud pa nga malnourish silang duha sa iyang igsuon nga si Alex Gonzaga. “Payat talaga genes namin. Di kami tabain”, banat ni Toni.
- Latest