Awhag ni Anne

CEBU, Philippines — Miawhag ang Kapamilya actress Anne Curtis ngadto sa publiko nga protektahan ang kaugalingon batok sa sakit nga polio pinaagi sa pagbakona. Usa si Anne sa  UNICEF goodwill ambassador. Nasayran nga ubay-ubay na ang gitakboyan sa maong sakit karong panahona.

Direk Mel mitaliwan

Nagbangotan karon ang Film industry sa pagpanaw sa  beteranong direktor nga si Mel Chionglo niadtong Sabado, Sityembre 21. Niluwat sa  ilang  pahasubo ang  Directors’ Guild of the Philippines “The DGPI extends its deepest condolences to the family of Mel Chionglo,"tipik sa ilang Facebook post.

Pagtin-aw ni Enchong

Buot sa aktor nga si Enchong Dee nga usbon ang sayop nga pagtan-aw sa mga tawo ngadto sa mga artista nga daw tan-aw sa uban kay wala'y kabangka-agan."Maraming matatalinong artista... it's just that nalagyan lang siguro ng stigma na kapag artista, walang utak. But it's not true. Maraming matatalino,"sigon pa sa actor-businessman.

Wala kaantos

Gipaambit ni Mariko Ledesma nga tungod sa grabeng nadawat niya nga bash, dili na siya mopadayon sa Tawag ng Tanghalan grand finals sa programang It’s Showtime sa ABS-CBN. "Sana po itigil nyo na po ang pang na bash kc tao po kami nasasaktan at hindi nyo po alam kung anong epekto nito sa taong bina bash nyo. Naway maging malawak po sana ang isip naging lahat na sa isang kompetisyon May mananalo at may matatalo,"maundanon'g mensahe pa niini.

Duha na ka tuig

Nagbinayloay og sweet messages sa Instagram ang celebrity couple nga silang Rocco Nacino ug Melissa Gohing atol sa ilang second anniversary isip manag-uyab. Wala nag-uban ang duha atol sa ilang anniversary sanglit aduna man sila' tagsa-tagsa ka mga appointment.

Pasiuna promosyon

Nag-post sa Instagram ang aktres nga si Anne Curtis og sneak peek sa iyang bag-ong movie project nga "The Mall The Merrier" kauban ang It’s Showtime co-host nga si Vice Ganda.

Mitubag sa pasangil

Gitubag sa kampo sa Kapamilya actor JM de Guzman ang pasangil nga frustrated murder nga gipasaka batok kaniya gikan sa complainant nga ginganlang Pitt Norman Zafra. Sigon pa sa statement sa kampo ni JM, nasulbad na kining maong problema niadtong Agosto apan ilan gihapon kining atubangon aron malimpyo ang ngalan sa aktor.

Wala'y paglubad

Nag-trending sa Instagram ang usa ka post diin makita ang aktres nga si Angel Locsin nga nikapyot sa luyo sa usa ka truck. Kalabot kini sa ma-aksiyon nga eksena sa aktres sa iyang  gibidahang serye sa ABS-CBN nga The General’s Daughter. Nasayran nga hapit na manamilit ang maong teleserye.

Mapasalamaton sa Pinoy fans

Nagpasalamat ang Korean actor nga si Ji Chang Wook ngadto sa iyang  Pinoy fans pinaagi sa pag-post og mensahe sa iyang Instagram Stories. Kini human nagpadala ang iyang Pinoy fans og usa ka coffee truck atol sa taping  sa bag-ong drama series niini nga Melting Me Softly.

Bilib si Leah

Gidayeg sa beteranang singer Lea Salonga ang laing singer nga si Aicelle Santos human sa hugyaw nga performance niini isip Elsa sa "Himala: Isang Musikal." "Her performance is incredible.

"Every accolade she has received thus far is well deserved. She is immensely talented and so into the character and everything that she does you absolutely believe," sigon pa ni Lea.

Dili makalimot

Nakahinumdum  matod pa ang Kapuso hunk actor Ruru Madrid sa panahon nga nakasinati siya og grabeng depresyon human na-bash sa pagdala niya isip Ybarro sa Kapuso fantaserye nga Encantadia niadtong 2016."Siguro 'yung pinaka-challenging, masasabi ko 'yung Ybarro pa rin. Nu'ng nag announced na ako na 'yung gaganap na Ybarro, sobrang binash (bash) ako, like, walang naniwala sa akin na kaya kong ma-pull off 'yung role na 'yun," sigon pa niini.

Nirampa sa Milan catwalk

Nirampa ang 50 anyos nga Pop star ug actress nga si Jennifer Lopez atol sa Milan catwalk niadtong Biyernes kun  diin siya ang nitak-op sa Versace Fashion Show.

Gisul-ob niini ang jungle-themed gown nga susama sa iyang gisul-ob sa Grammy Awards 20 ka tuig na ang nilabay. Ang maong show giatol sa 20th anniversary sa Versace's jungle print.