GMA mitubag na sa DOLE
CEBU, Philippines — Nihatag na og tubag ang GMA Network sa findings sa Department of Labor and Employment (DOLE) alang sa tulo ka safety precautions nga wala matud pa natuman sa TV network kalabot sa aksidenteng gikalambigitan sa veteran actor nga si Eddie Garcia.
Kahinumdoman nga niadtong June 8, 2019, nasabod sa cable wire ang beteranong aktor atol sa taping sa Kapuso series nga Rosang Agimat.
Tungod sa maong insidente, na-comatose si Eddie ug nakabsan kini sa iyang kinabuhi niadtong June 20, 2019.
Sa statement sa DOLE kaniadto, tulo ka safety precautions ang wala mabuhat sa GMA nga ubos sa Implementing Rules and Regulations (IRR) sa Occupational Safety and Health (OSH) Law.
Wala matud pa mosumiter ang network ug ang contractor og report sa insidente sulod sa 24 oras; wala pud kini safety officer; ug wala kini mo -provide og first aide professional sa set .
Suma pa sa statement sa Kapuso Network, “ GMA noted that the IRR, as worded, states that such a case of ‘work accidents resulting in disabling injury or death’ is an exception to the requirement that a report be made within 24 hours from the occurrence.
Nonetheless, GMA submitted the report within one (1) month from the accident which occurred last June 8, 2019.”
Gipadayag usab sa GMA-7 nga duna sila’y igong safety officers alang sa mga empleyado sa network.
Matud pa niini nga ang “workplace” nga covered sa OSH Law nagtuki lamang sa mga lugar nga regular nga gitrabahoan sa mga empleyado ug dili apil ang temporaryong lokasyon sa trabaho.
Gitataw usab sa TV network nga dunay mga production staff sa lokasyon nga dunay kaalam sa first aid ug basic life support.
- Latest