PPP movies naka-90 M na

MANILA, Philippines — After three days, almost P90 million na ang box office gross ng mga pelikulang kasali sa ginaganap na Pista ng Pelikulang Pilipino (PPP) ayon sa update ni Film Development Council of the Philippines (FDCP) CEO and Chairperson Liza Diño.

Ang FDCP ang organizer ng PPP na nasa-ika third year na.

So far, nangunguna pa rin ang The Panti Sisters nina Paolo Ballesteros, Martin del Rosario and Christian Bables na nanalo pang Audience Choice Award kaya malamang na nadagdagan ang mga nanonood nito kahapon at si Martin pa ang nanalong Best Actor sa PPP Gabi ng Parangal at Pasasalamat.

Pero ang sana ay madag­dagan ng audience ay ang pelikulang Lola Igna starring Angie Ferro na PPP Best Actress and Best Picture.

Nakakaaliw ang kuwento ni Lola Igna. Pang-Festival ang kuwento at may values. Funny, heartwarming, refreshing etc. na dinirek Eduardo Roy Jr.

Walang masyadong sinehan ang Lola Igna dahil walang masyadong mainstream actors ‘yung as in super sikat though bida rin sa movie si Yves Flores.

Anyway, narito ang kumpletong listahan ng mga nanalo sa PPP Gabi ng Parangal at Pasasalamat.

Best Actor: Martin del Rosario for The Panti Sisters

Best Actress: Angie Ferro for Lola Igna

Best Director: Tyrone Acierto for Watch Me Kill

Best Picture: Lola Igna

Best Screenplay: Eduardo Roy, Jr. and Margarette Labrador for Lola Igna

Best Editing: Colorado Rutledge for Watch Me Kill

Best Supporting Actor: Gio Alvarez for I’m Ellenya L.

Best Supporting Actress: Tuesday Vargas for LSS (Last Song Syndrome)

Best Sound Design: Aurel Claro Bilbao and Arnel Labayo for LSS (Last Song Syndrome)

Best Musical Score: Andrew Florentino for Lola Igna

Best Original Song: Araw-Araw by Ben&Ben for LSS (Last Song Syndrome)

Best Production Design: Marxie Maolen Fadul for The Panti Sisters

Best Cinematography: Marcin Szocinski for Watch Me Kill

PistApp Sine Kabataan Audience Choice Award: Chok

PistApp Audience Choice Award: LSS (Last Song Syndrome)

Audience Choice Award: The Panti Sisters

Sine Kabataan Short Film: Kalakalaro

Special Jury Award: LSS (Last Song Syndrome).