The Panti Sisters naka- P36 milyon na!
CEBU, Philippines — Kusog gyud sa masa ang pelikula nga ‘The Panti Sisters’ nga gibidahan nila ni Paolo Ballesteros, Martin Del Rosario ug Christian Bables.
Nakaangkon ang maong pelikula og P36, 260, 445.87 nga ticket sales sulod lang sa duha ka adlaw nga pagpasalida niini sa mga sinehan.
Nalakip ang ‘The Panti Sisters’ sa Pista ng Pelikulang Pilipino 2019.
Ms.World-Philippines 2019 Anak ni Melanie maoy Rayna
Napili nga Miss World Philippines 2019 ang modelo ug varsity player nga si Michelle Marquez Dee ug nahitabo ang koronasyon niadtong Domingo sa gabii.
Si Michelle anak sa 1979 Miss International ug aktres nga si Melanie Marquez.
Nasayran nga busy si Michelle sa iyang adbokasiya nga Mental Illness ug Autism Awareness.
Atol sa “question and answer portion”, gipangutana siya kun unsa nga invention sa miaging century nga tan-aw niya adunay kabanhawan.
“It would probably be polaroid films. I’m an avid lover of art, I love photography and I love the kind of energy and feel that polaroids give me, just being able to lay everything out and go down memory lane is such a different feeling,” tubag pa niya.
Nakoronahan isip Miss Eco Philippines 2019 si Kelley Day, samtang nalangkat ni Katrina Llegado ang titulo nga Reina Hispanoamericana Filipinas 2019 .
Si Isabelle De Leon ang napili nga Miss Multinational Philippines 2019 ug si Glyssa Perez mao ang Miss Philippines Tourism 2019 .
Wala usab nagpaulahi si Vanessa-Mae Walters kinsa maoy napili nga Miss Eco Teen Philippines 2019 .
Napili usab nga Miss World Philippines First Princess si Shannon Christie Kerver ug Miss World Philippines Second Princess si Kristi Banks.
Winners sa PPP 2019 gianunsyo na!
Nagmalampuson ang 2019 Pista ng Pelikulang Pilipino awards night niadtong Domingo didto sa SM Mall of Asia Complex .
Sila si Martin del Rosario ug Angie Ferro maoy napili isip Best Actor ug Best Actress PPP 2019.
Usa si Martin sa mga bida sa comedy film nga The Panti Sisters, samtang si Angie nalakip sa pelikulang Lola Igna.
Usa ka tinuig nga kalihokan ang PPP nga gidumala sa Film Development Council of the Philippines (FDCP) isip usa sa kontribusyon sa pagpalambo sa movie industry sa nasud.
Mga mananaog sa Pistang Pelikulang Pilipino 2019
Best Picture : Lola Igna
Best Actor : Martin del Rosario (The Panti Sisters)
Best Actress : Angie Ferro (Lola Igna)
Best Director : Tyrone Acierto (Watch Me Kill)
Best Supporting Actor : Gio Alvarez (I’m Ellenya L)
Best Supporting Actress: Tuesday Vargas (LSS)
Best Editing : Watch Me Kill
Best Screenplay : Lola Igna
Best Cinematography : Watch Me Kill
Best Production Design: The Panti Sisters
Best Musical Score : Lola Igna
Best Theme Song : “Araw Araw” by Ben&Ben
Best Sound Design : LSS
Special Awards
Audience Choice : The Panti Sisters
Jury Prize : LSS
- Latest