Nagpa-relax sa Japan

CEBU, Philippines – Nasigpatan nga nanuroy sa  Osaka, Japan   sila si  Maine Mendoza ug  Arjo Atayde sa miaging adlaw.

Sa airport pa lang, gikagubtan na ang duha ug  ubay-ubay ang nagpa-picture kanila.

Giingong game  ra kaayo ang duha sa pag-abi abi nila sa ilang fans.

Taod-taod na nga gidungog nga duna’y relasyon ang duha.  

Khalil ug Gabbi suportado sa KathNiel

Gisuportahan nila ni  Kathryn Bernardo ug Daniel Padilla ang pelikula nila ni  Khalil Ramos ug Gabbi Garcia  nga  LSS.

Nitambong gyud ang duha sa premiere night sa maong pelikula  bisan  pa man sa ilang  ka-busy .

Matud pa ni Kathryn nga nidalikyat gyud siya og oras sa LSS gumikan kay puros niya higala sila si Khalil ug Gabbi.

“Parehong good friend namin silang dalawa so nakaka-proud na nakita namin sila sa first ever movie nila together and sinamahan mo pa ng magandang soundtrack ng Ben&Ben,”  saysay pa ni Kathryn ngadto sa  ABS-CBN News.

Samtang gipasigrabo pag-ayo ni Daniel si  Khalil kinsa nakauban niya kaniadto sa  teleserye nga Princess and I.

“Nakaka-proud. Parang anak ko si Khalil kasi kasabayan namin ‘yun sa Princess and I ‘di ba? So alam mo ‘yun, parang ang galing lang ng mga nangyayari sa lahat, ang sarap mapanood and ang sarap nilang makita dalawa,” suma pa sa aktor.

Alex mitambong sa YouTube Creator Summit sa  Japan

Dili na gyud mabangbang ang  career  ni Alex Gonzaga  sanglit gawas sa iyang pagka-artista,  nahimo usab siya nga sikat nga vlogger.

Usa si  Alex  sa giimbitar    sa YouTube Creator Summit  nga gipahigayon didto sa Japan.

Kauban usab niya isip representante sa Pilipinas  mao  si Wil Dasovich.

Adunay  kapin sa  4 million subscribers si Alex sa  YouTube.