Angelica, concert producer na!
CEBU, Philippines – Nagpanikad na ang Kapamilya actress nga si Angelica Panganiban sa mahimong resulta sa iyang pagka-concert producer.
Usa si Angelica sa mga nagdumala sa Hueniverse Music Festival ug kauban niya ang iyang mga higala nga sila si John Prats, Camille Prats, Isabel Oli ug Sam Milby.
Suma pa sa aktres nga dul-an sa usa ka tuig ang pagplano nila sa maong event nga mahitabo karong
Setyembre 28 sa Filinvest City Events Grounds.
“Matagal na namin ‘to pinag-uusapan. Nagsimula ‘to tuwing nagpupunta ako sa mga music festival abroad, lagi akong excited ‘pag nagkukuwento ako sa kanila with my experiences, and na-inspire din sila na makagawa din nga tayo sa Philippines, and ito na nga nasimulan na namin,” saysay pa ni Angelica .
Lakip sa OPM bands nga mo-perform sa Hueniverse Music Festival mao ang Autotelic, Ransom Collective, Spongecola ug Agsunta.
Gown ni Pia gilangkoban og 2,880 crystals
Gikatahong dili basta-basta ang gown nga gisul-ob ni Pia Wurtzbach sa bag-ohay lang nga New York Fashion Week.
Si Albert Andrada ang gamugna niini nga gilangkoban og 2, 880 nga Swarovski crystals .
“Pia’s gown in tulle was my own interpretation of the universe, filled with crystals like the thousand stars that show its radiance,” saysay pa ni Albert ngadto sa PEP.
Niabot matud pa og duha ka buwan ang pagama niini.
Dimples maoy Most Trending Actress sa 2019
Nagpuso-pusot gyud ang suwerte nga niabot sa kinabuhi ni Dimples Roma gumikan kay human sa naglawig niya nga career, nakadawat usab kini og laing rekognasyon.
Siya ang natuboy isip Most Trending Actress sa 2019 sa bag-ohay lang nga Philippine Social Media Awards.
Nasayran nga puwerting sikata ang karakter ni Dimples isip Daniel Mondragon sa teleserye sa ABS-CBN nga Kadenang Ginto.
“Maraming Maraming Salamat po Philippine Social Media Awards sa parangal na The Most Trending Actress award (Kadenang Ginto) 2019 #OhDani my character Daniela Mondragon will not be as iconic and as legendary as it is now if not for your continuous love and support. For all the shared, liked and commented posts all across the internet, Salamat po,” suma pa sa IG post ni Dim
Alden na-feel ang “beautiful pressure”
Gipasalig ni Alden Richards nga doul gyud sa kasingkasing sa mga tawo ang dagan sa istorya sa bag-ong teleserye niya sa GMA-7 nga The Gift.
Giangkon sa aktor nga dunay gamay nga pressure apan gihulagway niya kini nga “beautiful pressure.”
“Noong prinesent po siya sa akin, tinanggap ko po siya agad with the hopes na magiging maganda yung pagkakagawa nito, with the help of the creatives and the directors.Yung istoryang ito, malapit po sa puso naming lahat and, of course, malapit sa puso ng mga Filipino,” suma pa ni Alden.
Suma pa ni Alden nga mahiligon kaayo sa drama ang mga Pinoy busa swak kaayo ang bag-o niya nga teleserye.
Paghatag og bili sa kaugalingon
Usa sa nakat-onan ni Arci Muñoz sa katapusan niya nga lovelife mao ang paghatag og bili sa iyang kaugalingon.
Padayon karon ang proseso sa pag-move on ni Arci sa breakup nila ni Anthony Ng.
“More than anything, kaysa sa regrets siguro, lesson learned. I learned to value myself,” saysay pa sa aktres sa interview niini sa Magandang Buhay.
Suma pa ni Arci nga importante kaayo ang paghigugma sa kaugalingon.
“I know to myself na I’m kinda weird, I’m different, pero kahit na kunwari hindi ka tanggap ng tao, para sa akin, kailangan mo talagang matutong mahalin muna ang sarili mo bago ka matutong magmahal ng iba,” dugang pa ni Arci.
Toni mitungha sa Harvard
Nitikang sa Amerika si Toni Gonzaga kauban ang iyang bana nga si Paul Soriano ug anak nila nga si Seve.
Nihapit si Toni sa Harvard University og nikuha kini og special course sa marketing .
Suma pa ni Toni nga bisan sa ka-busy niya sa showbiz, nidalikyat gyud siya sa maong tunghaan ug atubangon ang laing hugna sa iyang kinabuhi.
- Latest