CEBU, Philippines — Gipakpakan pag-ayo si Arjo Atayde sa iyang katakus sa pag-arte sa dihang nahatagan niya og hustiya ang iyang karakter sa ‘The General’s Daughter’. Gidala ni Arjo ang karakter ni Elai kinsa adunay autism. Gipakita sa eksena kun  unsaon pag-react sa mga aduna niini nga klase sa sakit kun mawad-an og mahal sa kinabuhi. Matud pa ni Arjo nga nag-research siya pag-ayo alang sa maong eksena.

Mayor Isko, mobalik pag-arte?

Hungihong karon nga adunay umaabot nga proyekto si Mayor Isko Moreno ug Coco Martin. Ang duha nag-abot sa usa ka coffee shop sa kauluhan. Wala nasayri kun unsa ang giisturyahan sa duha.

Dili ilisan

Malipayon si Maymay Entrata nga si Edward Barber ang iyang onscreen partner hangtud karon. Matud pa ni Maymay nga wala siya’y plano nga ilisan kini ug dili sab siya andam modawat og mga role nga dili kauban si Edward.

We win as one

Gilusad na nila ni Ryan Cayabyab ug Lea Salonga ang theme song sa Sea Games 2019. Nag-ulohan kini og ‘We Win As One’.

Rochelle, nabaghuan

Giangkon ni Rochelle Pangilinan nga naglisod siya sa pagbalik sa trabaho human sa iyang pagpanganak. Matud pa niya nga mura og nabag-uhan siya sa iyang palibot ug buhatunon sa iyang comeback project nga ‘Tadhana’. “Actually, nanganay talaga ako dahil hirap na hirap akong magdrama. Siguro, dahil happy heart ako ngayon. Itong panahon na ‘to, sobrang happy ako. Kaya nahirapan talaga ako”, suma pa ni Rochelle.

Isangka sa busan film festival

Ang best film sa Cinemalaya 2019 nga ‘John Denver Trending’ mao ang iapil og sangka sa Busan Film Festival sa South Korea. Ang maong pelikula gibidahan kini ni Jansen Magpusao kinsa midaog isip ‘Best Actor’ sa Cinemalaya. Naumol ang istorya niini mahitungod sa cyberbullying.

Regine ug Dennis, mag-uban

Excited na si Dennis Padilla nga makauban si Regine Velasquez sa pelikula nga ‘Yours Truly, Shirley’. Mao kini ang unang higayon nga mahimong kabahin ang ilang pelikula sa One Originals Film Festival. Napanglantawan ni Dennis nga dali lang nila magama ang maong pelikula gumikan kay nagkauban na sila kaniadto sa pipila ka mga proyekto ug komportable na siya makatrabaho ang singer.

Nitaas ang tf

Nitaas ang talent fee sa TV host nga si Lovely Abella human nga nahimong kabahin sa pelikula nga ‘Hello, Love, Goodbye’. Matud pa ni Lovely nga P1500 lang kaniadto ang iyang madawat sa matag appearance niya sa mga events.

Beterana gyud

Gisaysay pa sa direktor sa pelikula nga ‘Circa’ nga si Adolf Alix nga dali gihapon makatrabaho ang 94 anyos nga si Anita Linda. Matud pa ni Direk Adolf nga dali lang kaayo mabuhat ni Anita ang gusto niya nga ipabuhat sa pelikula.  Bilib kaayo siya sa beteranang aktres gumikan kay makasag-ulo gihapon kini og mga linya bisan pa man og edaran na kini.

Nicki Minaj, moretiro na!

Gisurpresa sa international singer ug rapper nga si Nicki Minaj ang iyang fans sa dihang gianunsyo niya sa iyang Twitter account nga moretiro na siya sa iyang karera.

“I’ve decided to retire & have my family. I know you guys are happy now. “To my fans, keep reppin me, do it til da death of me, X in the box - cuz ain’t nobody checkin me. Loveyou for LIFE”, mubo nga mensahe sa iyang pagpanamilit.

Naila pag-ayo si Nicki Minaj tungod sa iyang awit nga “Super Bass” ug nahimo siya nga kabahin sa kanta nga “Bang Bang” kun diin nakauban niya sila si Jessie J ug Ariana Grande.