Julia nagparamdam na naman!

Parang nagbabadya na ang pagbabalik ni Julia Montes.

Medyo nadadalas na ang pagpo-post niya sa social media at nagpapa-salon na siya.

Kahapon ay nasa isang salon nga ang ‘nawawalang’ actress. “Pamper time? Need a boost for your hair?” caption niya sa kanyang post.

Pero walang face ni Julia na nakita sa video, promo lang talaga ng salon.

May mga comment kung kumusta na siya, pero walang reply ang actress na matagal na ring nawawala sa limelight tulad ni John Lloyd Cruz.

Iniintriga si Julia na diumano’y nanganak na ang ama diumano ay si Coco Martin.

Pero parehong dedma ang kanilang kampo kahit may ilang kakilala ang aktor na nagtsitsika na may anak na nga diumano sila.

Tulad ng uso ngayon, screened na ang mga comment sa social media account ng actress.