Pinay bida sa bag-ong Disney movie
CEBU, Philippines – Pasok ang Filipino-Canadian actress nga si Cassie Steele sa bag-ong Disney animated movie nga Raya and the Last Dragon.
Ang 29 anyos nga si Cassie maoy modala sa tingog sa bida nga si Raya ug nagtangag kini sa tema nga SouthEast Asian.
Nalakip pud sa maong proyekto ang Crazy Rich Asians actress nga si Awkwafina .
“Sharing Raya was just amazing because I feel like she’s really a breakthrough character in terms of being female and being empowered, being a warrior and being badass, and it’s just such an honor to play her,” saysay pa ni Cassie ngadto sa ABS-CBN News.
Alden gipasidunggan sa Seoul International Drama Awards 2019
Nagpungasi gyud ang suwerte nga naabot sa kinabuhi ni Alden Richards karong panahona.
Ang Kapuso actor maoy nakadawat sa Asian Star Prize sa 14th Seoul International Drama Awards niadtong Miyerkules sa gabii. Nipaso gyud si Alden sa red carpet sa Grand Peace Hall sa Kyunghee University. Sa iyang speech, gipasigarbo og maayo ni Alden ang maong award .
“As a Filipino, I am very humbled and grateful to be recognized in the international scene, along with so many amazing and talented artists here tonight.This award is extra special because it comes at a time when we are celebrating 70 years of friendship between the Philippines and South Korea,” saysay pa niya.
Human sa iyang pagpasalamat sa mga tagdumala sa maong kalihokan , nipadayag usab siya nga ang paghatag og kalingawan sa katawhan maoy tinguha sa mga artista sama kaniya.
“It’s always our hope to make people happy and inspire them with our passion. Thank you,” panapos pa niya.
Usa ka tinuig nga kalihokan ang Seoul International Drama Awards nga naghatag og mga pasidungog sa mga personalidad nga nalambigit sa TV drama production .
Mao na kini ang ikaduhang higayon nga nakadawat si Alden og international award. Kahinumdoman nga nalangkat niya ang silver medal sa New York Festival 2018 alang sa programa niya nga Alaala.
Padayon usab nga nagsaka ang kita sa pelikula ni Alden nga Hello Love Goodbye kun diin kapares niya si Kathryn Bernardo. Nasayran nga nikita na kini og kapin sa P800 million.
Janno dili imbitado
Gibutyag ni Janno Gibbs nga wala siya imbitara sa pipila ka mga show sa ABS-CBN alang sa promosyon sa pelikulang Sanggano, Sanggago’t Sangguwapo .
Nasayran nga nitikang ang co-stars niya sa maong pelikula nga sila si Dennis Padilla ug Andrew E sa pipila ka mga show sa Dos apan wala’y labot si Janno.
Ang maong pelikula ipasalida na sugod karong September 4, 2019.
Panawagan ni Dennis kang Gerald
Panawagan ni Dennis Padilla ngadto kang Gerald Anderson nga unta tubagon na ang iyang mga text.
Gipaneguro sa aktor nga dili maamong ang iyang anak nga si Julia Barretto sa isyu nga giatubang ni Gerald.
Una na nga nilugwa ang pangalan ni Julia nga maoy rason sa breakup nila ni Gerald ug Bea Alonzo.
Sa pag-ulbo sa maong isyu, ni-reply si Gerald kang Dennis, apan sa uban niya nga text, wala na kini mopaghot.
Giintriga nga nagpakasal sa France
Hugtanong gihimakak ni Mikael Daez ang taho nga matud pa nagpakasal na sila ni Miss World 2013 Megan Young didto sa France. Suma pa ni Mikael nitikang sila ni Megan sa maong dapit gumikan kay nitambong sila sa kasal sa iyang igsoun. Dili pa matino nila ni Mikael ug Megan kun kanus-a sila magpakasal. Matud pa sa duha nga ang importante nga malipayon sila sa ilang relasyon.
“Well, me and Megan we’re very easygoing. I mean, we’re very happy with one another.Uh, just for the record, we will get married. We just don’t know when.So, we’ll let you guys know,” saysay pa sa aktor ngadto sa PEP.
Trending nga episode
Nag-trending ang episode sa teleseryeng The Killer Bride sa ABS-CBN niadtong Miyerkules. Naukyab ang kadaghanan human nabanhaw ang karakter ni Maja Salvador sa maong teleserye. Sa maong episode nag-atubang ang karakter nila ni Maja ug Janella Salvador.
Piolo nahubog?
Gidungog nga matud pa nakainom og maayo si Piolo Pascual atol sa birthday celebration ni Ogie Alcasid sa miaging gabii . Kalit lang moingon si Piolo og “I love you” sa mga bisita. Tak-om pa ang aktor kalabot sa maong tsika.
Dave mihimakak
Hugtanong gihimakak sa singer nga si Dave Lamar ang alegasyon nga nagtinubagay sila sa amahan ni Morissette Amon nga si Amay pinaagi sa Twitter. Una na nga gidungog nga wala madawat si Dave sa ginikanan ni Morissette. Nasayran nga taod-taod na ang relasyon nila ni David ug Morissette.
Collection ni Marlo
Nagkatawang gipahibalo ni Marlo Mortel nga duna siya’y Funko Pop collection. Kasagaran sa iyang mga koleksyon gibutang niya sa ibabaw sa iyang headboard sa iyang kama.
Pirata nagbaha
Gikumpiskar sa otoridad ang pipila ka pirated nga kopya sa Star Cinema movie nga “Hello, Love, Goodbye” nga gipasalida sa mga bus didto sa kaulohan. Kahinumdoman nga nikatap ang link sa maong pelikula sa miaging semana hinungdan nga duna gyu’y naka-download niini.
TJ pasok sa Himig
Todo ang pasalamat ni TJ Monterde nga nahimo siya nga parte sa Himig Handog 2019.Si TJ ang nag-interpret sa awit nga “Panandalian” nga sinuwat nila ni Jerome Arcangel ug Cee Jay Del Rosario.”Nakakagulat. Ang kanta na ito ay ‘Panandalian’ ang title so malamang it’s a hugot song. Tapos ang songwriters nito ay parehong 17 years old, dalawa sila from Isabela,” suma pa ni TJ.
Regalo sa amahan
Gisurpresa ni Seth Fedelin ang iyang amahan pinaagi sa pagpalit og brand new motorcycle. Giingong gamit kaayo kini sa iyang amahan. Nakugang pag-ayo ang iyang amahan pagkakita sa regalo sa iyang anak.
Naglawig sa Asya
Naglawig gyud ang duha ka mga teleserye sa GMA-7 nga gi-ere didto sa Thailand, Malaysia, Brunei, ug Vietnam. Ang maong mga teleserye naglangkob sa Legally Blind ug A Woman Scorned (Ika-6 Na Utos).
Promosyon ni Caharian
Gianunsyo na sa GMA Network, Inc. (GMA) ang promosyon ni Dennis Augusto “Dingdong” L. Caharian isip President and Chief Operating Officer sa GMA New Media, Inc. (NMI). Sulod sa duha ka dekada, si Caharian maoy pioneer member sa NMI ug nagsilbi kini nga Senior Vice President ug General Manager sukad niadtong 2009.
Adbokasiya ni Jolens
Wala’y puas ang pag-promote ni Jolina Magdangal sa breastfeeding. Una na niya nga gipadayag nga importante kaayo sa mga bata ang maong pamaagi.
Acting project
Gikatahong molugwa si Regine Velasquez sa usa ka entry sa 2019 edition sa Cinema One Originals. Niatap ang hulagway ni Regine nga makita nga naa siya sa set sa maong proyekto.
- Latest