Gidepensahan ang numero
CEBU, Philippines — Midepensa si Marjorie Barretto sa numero sa jersey sa iyang anak nga si Julia Barretto sa All-Star Games 2019 kun diin pareho kini og numero sa gisul-ob ni Gerald Anderson. “Let me correct this before the story gets big and out of hand again. Number 3 has always been Julia’s jersey number since her high school volleyball varsity days. No special meaning”, esplikar pa ni Marjorie.
Gabbi isip hacker
Usa ka hacker ang karakter ni Gabbi Garcia sa serye nga ‘Beautiful Justice’. Makauban niya sa krimen sila si Yasmien Kurdi ug Bea Binene.
Nagisi ang jersey
Padayon nga nagduwa si Ryan Bang sa All-Star Games 2019 nga nahitabo sa Araneta Coliseum niadtong Domingo bisan og nagisi ang iyang jersey. Human nga nakapuntos og tres sa basketball, gihamag siya og maayo sa iyang mga kauban hangtud sa nagisi ang iyang sapot. Kabahin si Ryan sa Team Vice ug ang iyang role mao ang bantayan ang tanang lihok ni Gerald Anderson sa duwa.
Hangyo ni Vivian
Adunay hangyo ang beteranang aktres nga si Vivian Velez ngadto kang John Lloyd Cruz. Ang duha nagkauban sa serye nga ‘Imortal’. Gimingaw na ang aktres sa aktor ug matud pa sa iyang Facebook post, unta mobalik na kini og trabaho.
Excited kang aga
Dili matago ang paghinam-hinam ni Tirso Cruz III nga makauban si Aga Muhlach sa pelikula nga ‘Miracle In Cell No. 7’. Ang maong pelikula mahimo nga kabahin sa Metro Manila Film Festival karong tuiga.
Tungod sa Kadenang Ginto
Mapasalamaton si Andrea Brillantes nga nahimo siya nga kabahin sa ‘Kadenang Ginto’. Matud pa niya nga dako kini og natabang aron matagad ang iyang katakus sa pag-arte. Gani, mao kini ang nahimong tulay aron makadawat pa siya og mga pelikula.
Makabirit Pud
Gipamatud-an ni Moira Dela nga kamao sab gyud siya mobirit. Sa iyang pag-guest sa ‘Gandang Gabi Vice’, gipadungog niya ang iyang pagbirit samtang nag- treadmill.
Kusog Gyud
Todo pasalamat si Maja Salvador sa mga kanunay nga mitutok ug misuporta sa ‘The Killer Bride’. Kanunay nga taas ang ratings niini sukad nga mi-ere kini niadtong Agosto 12. Pasalig ni Maja nga dili gyud nila pakyason ang tanang motutok niini ug palambuon pa nila ang ilang istorya matag gabii.
Nakauban ang mga anak
Nakauban ni Raymart Santiago ang iyang anak nga sila si Sabina ug Santino. Daghang netizens ang nalipay sa pag-post sa aktor sa hulagway kun diin tupad niya ang iyang mga anak.Si Claudine Barretto maoy nag-atiman sa ilang mga anak.
Comeback Movie
Sa Septiyembre 4 na mapagawas ang pelikula nila si Andrew E., Janno Gibbs ug Dennis Padilla nga ‘Sanggano, Sanggago’t Sanggwapo. Ang maong omedy film magsilbi nga comeback movie sa tulo kun diin sila gyud ang bida.
- Latest