“Trust the Process”

CEBU, Philippines — Nagtaxi ko padung sa akong appointment gahapon sa buntag. Naghunahuna ko unsa gyud akong topic. And suddenly, ang DJ sa dyFR nga maoy gipaminaw sa driver nilenggua: You are making progress. Trust the process.   I was amazed kay naa man gyud koy nahunahunaan sab nga person, timing kaayo. Because at that moment, gimingaw ko sa akong ex-bestfriend. I was questioning myself kun mu-hi ba ko, reach out.

But then I realized, I already left, so why should I go back? Dili naman sab siguro OA because I actually tried winning him back four times in two months but he was also dismissive. But I’m praying for him always. I’m praying that he will always be blessed. So wala na lang ko gyud. Gogogo lang. Pakkk!

Anyway, in our lives, naa gyuy mga panahon nga bation ta og ka kapoy. Kanang labihan na natong paningkamot, apan feeling nato wala man gyuy nausab, wala ta mu umento. Pobre ra gihapon ta. Naglisud ra gihapon ta. I know how it feels. Daghan kaayo ko og moments nga ingon ana. Kanang mangutana ka sa imong kaugalingon, asa man gyud ko paingon? Unsa man gyuy akong future nga bisan giunsa nako’g paningkamot mao ra man gihapon? Pakkk! Di po kaayo nag-iisa. Daghan ta. Hahaha! Apan kini timan-i sa kanunay: Nahitabo ang nahitabo gumikan kay adunay nagpaabot nga kaayohan alang nimo sa tukmang panahon. Napalpak ka sa imong mga paningkamot gumikan kay giandam ka sa dakong kalampusan sa umaabot.

Napakyas ka sa imong mga panganti sa kinabuhi, gumikan kay dili pa andam ang imong kasingkasing nga makaangkon og kalipay nga dili nimo maampingan gumikan kay linghod pa imong hunahuna ug wala pa muhingkod ang imong kaalam.

Apan, ayaw lang gyud og hunong. Padayon. Padayon sa imong paningkamot. Padayon sa imong pag-ampo ug hugot nga pagsalig sa Ginoo. Laumi ug tuohi nga dili gyud ka pasagdan. Everything happens for a reason. And it’s so true. God is preparing you for greater and bigger things to come. At the right time, perfectly on time!

A blessed Sunday dear okRYANians! Text me lang gihapon with your name and address pinaagi sa 09225195880.