Matteo opisyal na nga 2nd Lieutenant
CEBU, Philippines – Opisyal na nga second lieutenant sa Philippine Army ang aktor nga si Matteo Guidicelli human gipirmahan ni President Rodrigo Duterte ang iyang mga papeles nga nagsaka sa iyang posisyon gikan sa iyang pagka- probationary second lieutenant.
Giubanan gyud si Matteo sa iyang girlfriend nga si Sarah Geronimo atol sa “donning of the ranks” ceremony kagahapon sa Philippine Army headquarters sa Taguig .
Kahinumdoman nga nisulod si Matteo isip reservist sa Philippine Army niadtong Abril isip pagpakita sa iyang paghigugma sa nasud.
Juday isip Mother Lily
Si Judy Ann Santos ang modala isip young Lily Monteverde sa pelikula nga magtukti sa kinabuhi sa maong sikat nga movie producer. Si Erik Matti ang direktor sa maong movie project.
Matud pa sa direktor nga gawas kang Juday, malakip usab sa maong proyekto ang usa ka award-winning-actress.
Dili pa niya masulti ang pangalan niini sanglit nagpadayon pa ang negosasyon.
Pipila sa mga artista nga gipasikat sa Regal Films kaniadto mao sila si Maricel Soriano, Snooky Serna, Gabby Concepcion, Albert Martinez, William Martinez, ug uban pa.
Nasayran nga dako kaayo og kontribusyon si Mother Lily sa movie industry sa nasud.
Liza balik-eskwela na
Naka-eskwela na gyud og balik ang Kapamilya actress nga si Liza Soberano human sa taas nga panahon nga pagpaalim sa problema sa iyang panglawas.
Malipayon si Liza gumikan nakabalik na siya sa Southville International School and Colleges sa kurso nga psychology.
“What I like most about being a student is the joy of discovering new things and appreciating what the world has to offer, “ suma pa niya.
Kahinumdoman nga duha ka kapin nga niistar si Liza sa Amerika alang operasyon sa iyang tudlo.
“Just a Stranger” mosikad karon
Nagtangag sa dakong hagit ang gisudlan nga relasyon nila ni Anne Curtis ug Marco Gumabao sa romantic drama movie nga “Just a Stranger” nga mosikad na sa mga sinehan sugod karong adlawa.
Si Jason Paul Laxamana ang direktor ug writer sa maong pelikula. Si Direk Jason maoy direktor kaniadto sa The Day After Valentine’s ug 100 Tula Para Kay Stella).
Ang “Just a Stranger” naghisgot sa babaye nga minyo na ug naka-uyab og laing lalaki nga mas bata pa niya.
Si Mae Pimentel (Anne) nga naa na sa mid-30s. Nakabaton kini sa sakit nga Fibromyalgia, dili problema kaniya ang kuwarta busa makalaag siya og maayo sa bisan asa nga lugar. Dili ra mobabag niini ang bana niya nga si businessman nga si Phil (Edu Manzano) sanglit wala usab kini oras alang kaniya.
Samtang nibakasyon si Mae sa Lisbon, Portugal, maila-ila niya si Jericho (Marco) 19 anyos. Naa na’y girlfriend si Jericho apan mas na-intresado siya kang Mae.
Sa trailer pa lang makita na ang nagkanit nga eksena nila ni Anne ug Marco. Apan gitataw ni Direk Jason nga dili tumong sa pelikula nag i-romanticize ang pagluib. Ipakita ang gipalawman nga mga karakter ug masuta ang naa sa likod sa ilang mga akyson. Sa ilang pagsinabtanay, ilaha ba kaha nga ma-apply ang linya nga : “Not your friend. Not your lover. Just a stranger.”
Dugay na nga gipangandoy ni Anne nga makagama og pelikula kalabot sa May-December affair, apan karon lang naabot ang saktong materyal. Napamatud-an na sa award-winning actress ang kamaayo niya moarte sa pelikulang aksyon (Buy Bust) ug mystery thriller (Aurora). Maayo usab siya sa romantic drama movies (Baler, In Your Eyes, No Other Woman, A Secret Affair).
JoshNella gipaubos og “sensuality workshop”
Komportable na sila si Joshua Garcia ug Janella Salvador sa pagama nila sa ilang mga eksena sa teleseryeng The Killer Bride human sila gipaubos og “sensuality workshop” dul-an sa usa ka semana.
“Basta kailangan lang, parang sabi sa ’min dun, dapat comfortable kami with touching each other, kase that’s what sensuality is about. So dapat connected kayo walang awkwardness, walang ilangan,” saysay pa ni Janella nga namantala sa PUSH.
Samtang si Joshua sa iyang bahin, nipadayag kini nga nakatabang gyud og dako ang maong workshop.
“May timeline na tinatawag kase iyung nagtuturo sa’min. Pinagharap kami sa first stage ng workshop. Kuwentuhan ng mga pangyayari sa buhay. Saka pa iyung sensual na mini-mirror namin ang isa’t-isa, nagyakap kami doon,” matud pa ni Joshua.
JaDine fans nabalaka
Human niulbo ang taho nga nibiya na sa Viva Artist Agency ang uyab ni Nadine Lustre nga si James Reid, nabalaka og maayo ang JaDine fans gumikan kay basin mao na kini hingpit nga pagkahagba sa ilang tandem.
Human gipares si Nadine sa laing mga aktor, nagmalaumon gihapon kaniadto ang JaDine fans nga subli nga magpares sa usa ka proyekto ang ilang mga idolo.
Apan tungod sa pagbiya ni James sa Viva, nagkahanap matud pa ang maong senaryo.
Pabilin nga tak-om ang Viva sa rason kun nganong nibiya si James kanila.
- Latest